இயக்குனர் இமயம் பாரதிராஜாவின் மகன் மனோஜ் பாரதிராஜா இயக்குனராக அறிமுகமாகும் ’மார்கழி திங்கள்’ என்ற படத்தை இயக்குனர் சுசீந்திரன் தயாரித்து வருகிறார் என்பதும் இந்த படத்தின் படப்பிடிப்பு கடந்த சில மாதங்களாக நடைபெற்று வந்தது என்பதையும் பார்த்தோம்.

பாரதிராஜா முக்கிய வேடத்தில் கிடைக்கும் இந்த படத்தில் ஷியாம் மற்றும் ரக்ஷனா நாயகன் நாயகிகளாக நடித்துள்ளனர். மேலும் சுசீந்திரனின் பல படங்களில் நடித்த அப்புகுட்டி உள்பட பலர் இந்த படத்தில் நடித்துள்ளனர். மேலும் சுசீந்திரனும் இந்த படத்தில் ஒரு கேரக்டரில் நடித்துள்ளார்.

இசைஞானி இளையராஜாவின் இசையில் உருவான இந்த படத்தின் டீசர் சற்றுமுன் இணையத்தில் வெளியாகி வைரல் ஆகி வருகின்றன. ஷ்யாம் செல்வம் மற்றும் ரக்ஷனா ஆகிய இருவரும் கிராமத்து பள்ளியில் படிக்கும் போது காதலிக்கின்றனர். இந்த காதலை தனது தாத்தாவிடம் சொல்லப் போவதாக நாயகி கூற, தாத்தாவிடம் சொன்னால் என்ன நடக்கும் தெரியுமா என்று ஷியாம் ஆத்திரத்தில் கூறும் காட்சியுடன் இந்த டீசர் முடிவடைகிறது

இந்த காதலால் ஏற்படும் பிரச்சனைகள், அந்த பிரச்சனைகள் எப்படி தீர்ந்தது என்பதுதான் இந்த படத்தின் கதை என தெரிகிறது. மனோஜ் பாரதிராஜா இயக்குனராக அறிமுகம் ஆகும் இந்த படம் நிச்சயம் வெற்றி படமாக இருக்கும் என்று எதிர்பார்க்கப்படுகிறது. இசைஞானி இளையராஜாவின் பின்னணி இசை இந்த படத்திற்கு மிகப்பெரிய பலமாக இருக்கிறது என்பது குறிப்பிடத்தக்கது.