சூப்பர் ஸ்டார் ரஜினிகாந்த் நடித்து முடித்துள்ள 'பேட்ட' திரைப்படத்தின் பர்ஸ்ட் சிங்கிள் பாடலான 'மரணமாஸ் தலைவர் குத்து' பாடல் நாளை மாலை 6 மணிக்கு வெளியாகவுள்ளது. தலைவர் படத்திற்கு முதல்முறையாக இசையமைக்கும் அனிருத், இந்த பாடலை வேற லெவலில் கம்போஸ் செய்து பட்டையை கிளப்பியிருப்பார் என்று எதிர்பார்க்கப்படுகிறது.

இந்த நிலையில் இந்த பாடலை பாடியவர்கள் குறித்த தகவலை இந்த படத்தின் தயாரிப்பு நிறுவனமான சன்பிக்சர்ஸ் தனது சமூக வலைத்தளத்தில் சற்றுமுன் அறிவித்துள்ளது. இதன்படி இந்த பாடலை எஸ்பி பாலசுப்பிரமணியன் அவர்களும் அனிருத்தும் இணைந்து பாடியுள்ளனர். இந்த பாடலை பாடலாசிரியர் விவேக் எழுதியுள்ளார்.

ரஜினி படத்தின் அறிமுகப்பாடல் என்றாலே எஸ்பிபி பாடிய பாடலாகத்தான் கடந்த பல வருடங்களாக இருந்து வந்தது. ஆனால் சமீபத்தில் ஒருசில படங்களில் மட்டும் எஸ்பிபியை ரசிகர்கள் மிஸ் செய்தனர். அந்த குறையை அனிருத் 'பேட்ட' படத்தில் போக்கிவிட்டார். எனவே நாளை ரஜினி ரசிகர்களுக்கு செம இசை விருந்து காத்திருக்கின்றது என்பது மட்டும் நிச்சயமாக தெரிகிறது.