'காலா' கரிகாலனின் பேரன் யார் தெரியுமா?
- IndiaGlitz, [Tuesday,May 30 2017]
சூப்பர் ஸ்டார் ரஜினிகாந்த் நடிப்பில் பா.ரஞ்சித் இயக்கி வரும் 'காலா' படத்தின் படப்பிடிப்பு இன்று மூன்றாவது நாளாக மும்பையில் நடைபெற்று வருகிறது. மும்பையில் தொடர்ந்து 40 நாட்கள் நடைபெறவுள்ள இந்த படத்தில் சமுத்திரக்கனி, நானா படேகர் உள்பட பலர் நடித்து வருகின்றனர்.
இந்த நிலையில் ரஜினிகாந்த், 'கபாலி' படம் போலவே இந்த படத்திலும் தனது நிஜ வயது தோற்றத்தில் மும்பை டான் ஆன நடித்து வருகிறார். இந்த படத்தில் அவருக்கு பேரன் கேரக்டர் ஒன்று வருகிறதாம். இந்த கேரக்டருக்கு பலர் பரிசீலிக்கப்பட்டு வந்த நிலையில் தற்போது பிரபல டான்ஸ் மாஸ்டர் காதல் கந்தாவின் மகன் மான்யூ நடிக்கவுள்ளதாக செய்திகள் வெளிவந்துள்ளது,
முதல் படத்திலேயே சூப்பர் ஸ்டாருக்கு பேரனாக நடிக்கும் அதிர்ஷ்ட வாய்ப்பை பெற்ற மான்யூவுக்கு வாழ்த்துக்கள் குவிந்து வருகிறது.