வில்லன் மற்றும் குணசித்திர நடிகர் மன்சூர் அலிகான் அதிரடியாக கைது செய்யப்பட்டார். பசுமை வழிச்சாலை அமைப்பது தொடர்பாக சர்ச்சைக்குரிய கருத்துகளை தெரிவித்ததால் நடிகர் மன்சூர் அலிகான் கைது செய்யப்பட்டுள்ளதாக தெரிகிறது.

சென்னையில் இருந்து சேலம் வரை 8 வழி சாலை அமைக்கப்படும் திட்டம் குறித்து சமீபத்தில் மத்திய அரசு அறிவித்தது. இந்த திட்டத்திற்கு தமிழக அரசும் ஒத்துழைப்பு கொடுத்துள்ளது. ஆனால் இந்த சாலைக்கு எதிர்ப்பு தெரிவித்து சேலம் பகுதி மக்கள் போராடி வருகின்றனர்.

இந்த நிலையில் நடிகர் மன்சூர் அலிகான் சேலம் பசுமை வழிச்சாலை அமைப்பதற்கு எதிராக சர்ச்சைக்குரிய கருத்து ஒன்றை தெரிவித்து இருந்தார். இந்த சாலை முழுக்க முழுக்க மக்களுக்கு எதிரானது என்றும் இந்த சாலைக்காக பல கோடி மரங்கள் தேவையில்லாமல் வெட்டப்படுவதாகவும், மன்சூர் அலிகான் கூறியுளார்.

இந்த நிலையில் சென்னை சூளைமேட்டில் மன்சூர் அலிகானை சேலம் போலீசார் கைது செய்தனர். சேலம் பசுமை வழிச்சாலை அமைப்பதற்கு எதிராக சர்ச்சைக்குரிய கருத்தை தெரிவித்ததால் அவர் கைது செய்யப்பட்டதாகவும், மேலும் விசாரணைக்காக அவரை சேலத்திற்கு அழைத்து சென்றுள்ளதாகவும் செய்திகள் வெளிவந்துள்ளது.