'நேரம்' தெலுங்கு ரீமேக்கில் 'மங்காத்தா' நடிகர்
- IndiaGlitz, [Monday,January 25 2016]
நிவின்பாலி, நஸ்ரியா, பாபிசிம்ஹா நடிப்பில் கடந்த 2013ஆம் ஆண்டு வெளிவந்த திரைப்படம் 'நேரம்'. அல்போன்ஸ் புத்திரன் இயக்கிய இந்த படம் தற்போது தெலுங்கில் சந்தீப் கிஷான் நடிப்பில் உருவாகி வருகிறது. இந்த படத்தை அறிமுக இயக்குனர் அனில் இயக்கி வருகிறார்.
இந்நிலையில் இந்த படத்தில் வெங்கட்பிரபுவின் 'மங்காத்தா' உள்பட பல படங்களில் நடித்த மகத், பாபிசிம்ஹா கேரக்டரில் நடிக்க ஒப்பந்தமாகியுள்ளார். இந்த தகவலை அவர் தனது சமூக வலைத்தளத்தில் உறுதி செய்துள்ளார்.
மேலும் பாரதிராஜா தயாரிக்க இருக்கும் படம் ஒன்றிலும் நடிக்க மகத் ஒப்பந்தம் செய்துள்ளதாகவும் இந்த படம் மார்ச் மாதத்தில் தொடங்கவுள்ளதாகவும் தகவல்கள் வெளிவந்துள்ளது.