அஜித்தின் 'துணிவு' படம் குறித்து மாஸ் தகவலை சொன்ன மஞ்சுவாரியர்!
- IndiaGlitz, [Monday,October 31 2022]
அஜித் நடிப்பில், எச் வினோத் இயக்கத்தில், போனி கபூர் தயாரிப்பில், ஜிப்ரான் இசையில் உருவாகியுள்ள திரைப்படம் ‘துணிவு’ என்பதும் இந்த படத்தின் படப்பிடிப்பு சமீபத்தில் முடிவடைந்தது என்பது தெரிந்ததே.
இந்த நிலையில் தற்போது ‘துணிவு’ படத்தின் டப்பிங் பணிகள் நடைபெற்று வருவதாகவும் இந்த படத்தில் நடித்த நட்சத்திரங்கள் அனைவரும் ஒவ்வொருவராக டப்பிங் செய்து வருகின்றனர் என்பதையும் பார்த்தோம்.
இந்த நிலையில் ‘துணிவு’ படத்தில் முக்கிய கேரக்டரில் நடித்துள்ள நடிகை மஞ்சுவாரியர் தனது பகுதியின் டப்பிங் பணியை செய்து வரும் புகைப்படத்தை தனது சமூக வலைத்தளத்தில் வெளியிட்டுள்ளார். இந்த புகைப்படம் தற்போது வைரலாகி வருகிறது.
ஒருபக்கம் ‘துணிவு’ படத்தின் டப்பிங் பணிகள் நடைபெற்றுக் கொண்டிருக்கும் நிலையில் இன்னொரு பக்கம் இந்த படத்தின் கிராபிக்ஸ் காட்சிகளின் பணிகளும் நடைபெற்று வருவதாக கூறப்படுகிறது.
ஏற்கனவே ‘துணிவு’ திரைப்படம் பொங்கல் தினத்தில் வெளியாகும் என இந்த படத்தின் தமிழக ரிலீஸ் உரிமையை பெற்றுள்ள ரெட் ஜெயின்ட் மூவீஸ் நிறுவனம் தெரிவித்துள்ள நிலையில் தொழில்நுட்ப பணிகள் விறுவிறுப்பாக நடைபெற்று வருகிறது என்பது குறிப்பிடத்தக்கது.
அஜித், மஞ்சுவாரியர், சமுத்திரக்கனி, வீரா, ஜான் கொகைன், அமீர், பாவனி உள்பட பலர் நடித்துள்ள இந்த படம் தமிழ் சினிமாவின் எதிர்பார்ப்புக்குரிய ஒரு படம் ஆகும்.