22 ஆண்டுகளுக்கு முன்பே அஜித் படத்தில் கிடைத்த வாய்ப்பு.. மிஸ் செய்த மஞ்சுவாரியர்!
- IndiaGlitz, [Monday,January 23 2023]
அஜித் நடித்த ’துணிவு’ திரைப்படத்தில் மஞ்சு வாரியார் நடித்திருந்தார் என்பதும் அஜித் உடன் முதல் முதலாக அவர் நடித்த நிலையில் இந்த படத்தின் அவரது கேரக்டருக்கு பாராட்டுக்கள் குவிந்தது என்பதும் தெரிந்ததே.
இந்த நிலையில் 22 ஆண்டுகளுக்கு முன்பே அஜித் படத்தில் நடிக்க வாய்ப்பு கிடைத்தது என்றும் ஆனால் அந்த வாய்ப்பை மிஸ் செய்து விட்டதாகவும் சமீபத்தில் அளித்த பேட்டியில் மஞ்சுவாரியர் தெரிவித்துள்ளார்.
கடந்த 2000 ஆண்டு ராஜீவ் மேனன் இயக்கத்தில் அஜித், மம்முட்டி, தபு, ஐஸ்வர்யா ராய் நடித்த ’கண்டுகொண்டேன் கண்டுகொண்டேன்’ என்ற திரைப்படம் வெளியாகி நல்ல வரவேற்பு பெற்றது.
இந்த படத்தில் ஐஸ்வர்யாராய் கேரக்டரில் நடிக்க முதலில் தன்னைத்தான் இயக்குனர் ராஜீவ் மேனன் அணுகியதாகவும், ஆனால் அப்போது தான் மலையாள படங்களில் பிஸியாக இருந்ததால் இந்த படத்தில் நடிக்கவில்லை என்றும், நான் அந்த படத்தில் நடித்திருக்க வேண்டும் என்றும் மஞ்சுவாரியர் குறிப்பிட்டுள்ளார்.