ఆ ఇద్దరి హీరోల గురించి తెలుసుకునే వచ్చా - మంజిమ
- IndiaGlitz, [Thursday,November 17 2016]
అక్కినేని నాగచైత‌న్య - గౌత‌మ్ మీన‌న్ కాంబినేష‌న్లో రూపొందిన తాజా చిత్రం సాహ‌సం శ్వాస‌గా సాగిపో. ఈ చిత్రం ద్వారా హీరోయిన్ గా ప‌రిచ‌య‌మైంది మంజి మోహ‌న్. తొలి చిత్రంతోనే మంజిమ ప్ర‌శంస‌లు అందుకుంది. ఈ సంద‌ర్భంగా క‌థానాయిక మంజిమ మాట్లాడుతూ....నా ఫేవ‌రేట్ డైరెక్టర్ గౌత‌మ్ మీన‌న్. ఆయ‌న దర్శకత్వంలో న‌టించే అవ‌కాశం ఇంత త్వ‌ర‌గా వ‌స్తుంది అనుకోలేదు. ఎన్ని సినిమాల్లో న‌టించినా నా మొద‌టి చిత్రం అదీ...నా ఫేవ‌రేట్ డైరెక్టర్ గౌత‌మ్ మీన‌న్ డైరెక్ష‌న్ లో చేసిన సాహ‌సం శ్వాస‌గా సాగిపో చిత్రం నా లైఫ్ లో ఎప్ప‌టికీ గుర్తుంటుంది.
ఇక నా ఫేవ‌రేట్ ఏక్ట‌ర్స్ గురించి చెప్పాలంటే పెద్ద లిస్టే ఉంది. టాలీవుడ్ హీరోల్లో ఫేవ‌రేట్ ఎవ‌రంటే...చిరంజీవి, నాగార్జున. వీళ్ల గురించి, వీళ్ల ఫ్యామిలీస్ గురించి తెలుసుకునే ఇక్క‌డికి వ‌చ్చాను. చిరంజీవి, నాగార్జున సినిమాల్లో న‌టించాలి అని ఉంది అంటూ త‌న మ‌న‌సులో మాట చెప్పేసింది మంజిమ. మ‌రి...చిరు, నాగ్ మూవీస్ లో న‌టించే అవ‌కాశం మంజిమ ద‌క్కించుకుంటుందో లేదో చూడాలి..!