'மஞ்சப்பை' இயக்குனரின் அடுத்த படத்தில் பிரபுதேவா: நாயகி யார் தெரியுமா?
- IndiaGlitz, [Wednesday,January 27 2021]
விமல், லட்சுமி மேனன், ராஜ்கிரண் உள்ளிட்ட பலர் நடித்த ’மஞ்சப்பை’ என்ற படத்தை இயக்கிய ராகவன் அதன்பின் ‘கடம்பன்’ என்ற படத்தை இயக்கினார். இந்த நிலையில் தற்போது அவர் இயக்கவுள்ள அடுத்த படத்தில் பிரபுதேவா நடிக்க உள்ளார்
இந்த படத்தில் பிரபுதேவா ஜோடியாக ரம்யா நம்பீசன் நடிக்கவுள்ளார் என்பதும், இவர் ஏற்கனவே விஜய் சேதுபதி நடித்த ’பீட்சா’, ‘சேதுபதி’ உள்ளிட்ட பல படங்களில் நடித்துள்ளார் என்பதும் குறிப்பிடத்தக்கது
இந்த படத்தின் பூஜை இன்று சென்னையில் நடைபெற்ற நிலையில் இந்த பூஜையில் பிரபுதேவா, ரம்யா நம்பீசன், இயக்குனர் ராகவன் மற்றும் படக்குழுவினர் அனைவரும் கலந்து கொண்டனர். இந்த படத்திற்கு டி.இமான் இசையமைக்க உள்ளார் என்பதும் செல்வகுமார் ஒளிப்பதிவு செய்ய உள்ளார் என்பதும் குறிப்பிடத்தக்கது. இந்த படத்தின் படப்பிடிப்பு விரைவில் தொடங்க இருப்பதாகவும் தகவல்கள் வெளிவந்துள்ளன