நேற்று நடைபெற்ற முஸ்டாக் அலி கிரிக்கெட் கோப்பைக்கான இறுதிப் போட்டியில் தமிழ்நாடு மற்றும் கர்நாடக அணி மோதியது. இந்தப் போட்டியில் ஒரே ஒரு ரன் வித்தியாசத்தில் கர்நாடக அணி வெற்றி பெற்று சாம்பியன் பட்டம் பெற்றது. இந்த போட்டியில் மனிஷ் பாண்டே மிக அபாரமாக விளையாடி 60 ரன்கள் குவித்ததே இந்த வெற்றிக்கு முக்கிய காரணம் என்பது குறிப்பிடத்தக்கது

இந்த நிலையில் நேற்று தனது அணி சாம்பியன் பட்டம் பெற பெரும் உதவியாக இருந்த மனிஷ் பாண்டே இன்று நடிகை அம்ரிதா ஷெட்டியை திருமணம் செய்து கொண்டார். நடிகை அம்ரிதா செட்டி சித்தார்த் நடித்த ’உதயம் என்.எச்.4’ படத்தில் நாயகியாக நடித்தவர் என்பது குறிப்பிடதக்கது

மனிஷ் பாண்டே - அம்ரிதா ஷெட்டி திருமணம் மும்பையில் மிகச்சிறப்பாக இருதரப்பு உறவினர்கள் மத்தியில் நடைபெற்றது. இந்த திருமணத்திற்கு கிரிக்கெட் வீரர்கள் மற்றும் திரையுலகைச் சேர்ந்தவர்கள் பலர் வருகை தந்து வாழ்த்துக்களை தெரிவித்தனர்

32 வயதாகும் மனிஷ் பாண்டே விரைவில் நடைபெற உள்ள மேற்கு இந்திய தீவுகள் அணிக்கு எதிரான ஒருநாள் மற்றும் டி20 தொடரில் இந்திய அணியில் இடம் பெற்றுள்ளார் என்பது குறிப்பிடத்தக்கது