பிரபல இயக்குனர் மணிரத்னம் இயக்கி வரும் 'பொன்னியின் செல்வன்' திரைப்படத்தின் படப்பிடிப்பு தாய்லாந்து நாட்டில் விறுவிறுப்பாக நடைபெற்று வருகிறது. இந்த படம் ஒரு ரூபாய் 500 கோடிக்கு மேல் பிரம்மாண்டமான பட்ஜெட்டில் உருவாகி வரும் நிலையில் பல முன்னணி நட்சத்திரங்கள் மற்றும் பிரபல தொழில்நுட்ப கலைஞர்கள் இந்த படத்தில் பணிபுரிந்து வருகின்றனர்.

இந்த நிலையில் மணிரத்தினம் அவர்களின் மெட்ராஸ் டாக்கீஸ் நிறுவனமும், லைக்கா நிறுவனமும் இணைந்து தயாரிக்கும் இன்னொரு திரைப்படமான 'வானம் கொட்டட்டும்' என்ற படத்தின் படப்பிடிப்பு சமீபத்தில் முடிவடைந்து தற்போது தொழில்நுட்ப பணிகள் நடைபெற்று வருகிறது. தனா என்பவர் இயக்கி வரும் இந்தப் படத்தில் விக்ரம் பிரபு மற்றும் ஐஸ்வர்யா ராஜேஷ் ஆகியோர் ஜோடியாக நடித்து வருகின்றனர். சரத்குமார் மற்றும் ராதிகா சரத்குமார் ஆகிய இருவரும் முக்கிய வேடத்தில் நடித்திருக்கும் இந்த படத்தில் மடோனா செபாஸ்டியன், நிவேதாதுரைராஜ், சாந்தனு பாக்கியராஜ், பாலாஜி சக்திவேல் உள்பட பலர் நடித்துள்ளனர்.

இந்த நிலையில் 'வானம் கொட்டட்டும்' படத்தின் டைட்டில் லுக் சமீபத்தில் வெளியான நிலையில் இந்த படத்தின் டீசர் வரும் 8ஆம் தேதி மாலை 5 மணிக்கு வெளியாகும் என அறிவிக்கப்பட்டுள்ளது.