சூப்பர் ஸ்டார் ரஜினிகாந்த் பிறந்த நாள் வரும் 12ஆம் தேதி கொண்டாட இருக்கின்ற நிலையில், அந்த நாளில் ரஜினிகாந்த் நடிப்பில், மணிரத்னம் இயக்கத்தில் உருவான ஒரே திரைப்படமான 'தளபதி’ படம் ரீ-ரிலீஸ் ஆக இருப்பதாக அறிவிக்கப்பட்டுள்ளது. முற்றிலும் டிஜிட்டலில் உருவாக்கப்பட்டுள்ள இந்த படத்தின் ரிலீஸ் தேதி குறித்த தகவல், ரஜினி ரசிகர்களுக்கு பெரும் மகிழ்ச்சியை ஏற்படுத்தியுள்ளது.

கடந்த 1991 ஆம் ஆண்டு நவம்பர் 5ஆம் தேதி வெளியானது ’தளபதி’ திரைப்படம் என்பதும் குறிப்பிடத்தக்கது. ரஜினிகாந்த், மம்முட்டி ஆகிய இரண்டு சூப்பர் ஸ்டார்கள் நடித்த இந்த படத்தை மணிரத்னம் இயக்கியிருந்தார். இளையராஜா இசையமைத்த இந்த படம் சுமார் 3 கோடி செலவில் உருவாக்கப்பட்டு, மிகப்பெரிய வெற்றி பெற்றது.

இந்த நிலையில், டிசம்பர் 12ஆம் தேதி இந்த படம் ரிலீஸ் ஆக இருப்பதாக அறிவிக்கப்பட்டுள்ளது. இதன் தொடர்பான போஸ்டரும் இணையத்தில் வெளியாகி வைரலாகி வருகிறது.

தளபதி படம் வெளியான அதே 1991 நவம்பர் 5ஆம் தேதி கமல்ஹாசன் நடிப்பில் வெளியான ’குணா’ திரைப்படமும் ரிலீஸ் ஆனது. சமீபத்தில் ‘குணா’ திரைப்படமும் டிஜிட்டல் வடிவில் ரீ-ரிலீஸ் ஆகி ரசிகர்கள் மத்தியில் நல்ல வரவேற்பை பெற்றது என்பது தெரிந்ததே.