விஜய்யுடன் இணைவாரா மணிரத்னம்?
- IndiaGlitz, [Friday,December 30 2016]
இளையதளபதி விஜய் நடித்த 'பைரவா' திரைப்படத்தின் டிரைலர் வரும் புத்தாண்டு தினத்தில் வெளியாகும் என்று எதிர்பார்க்கப்படுகிறது. இதற்கான அனைத்து ஏற்பாடுகளும் படக்குழுவினர்களால் செய்யப்பட்டு வருகிறது.
இந்நிலையில் கடந்த சில மாதங்களாக கார்த்தி நடித்து வந்த 'காற்று வெளியிடை' படத்தை இயக்கிய பிரபல இயக்குனர் மணிரத்னம் கடந்த இரு தினங்களுக்கு முன்னர் படப்பிடிப்பை முடித்தார். தற்போது இந்த படத்தின் போஸ்ட் புரடொக்ஷன்ஸ் பணிகள் தொடங்கப்பட்டுள்ளது.
இந்நிலையில் வரும் புத்தாண்டு தினத்தில் 'காற்று வெளியிடை' படத்தின் டீசரை வெளியிட மணிரத்னம் குழுவினர் திட்டமிட்டுள்ளதாக செய்திகள் வெளிவந்துள்ளது. ஏ.ஆர்.ரஹ்மானின் இசையில் உருவாகியுள்ள இந்த படத்தின் டீசர் புத்தாண்டில் வெளியானால் அதைவிட சந்தோஷம் வேறு எதுவும் கார்த்தி மற்றும் மணிரத்னம் ரசிகர்களுக்கு இருக்க போவதில்லை.
திரையுலக ரசிகர்களுக்கு புத்தாண்டு விருந்து தரும் வகையில் விஜய்யின் 'பைரவா' டிரைலரும், மணிரத்னம் அவர்களின் 'காற்று வெளியிடை' டீசரும் வெளிவருமா? என்பதை இன்னும் ஒரே ஒரு நாள் பொறுத்திருந்து பார்ப்போம்.