2023 ஆம் ஆண்டு ஆஸ்கர் விருதுகள் தேர்வு குழுவில் மணிரத்னம் உள்பட ஒரு சில இந்திய திரையுலக பிரபலங்கள் தேர்வு செய்யப்பட்டதை அடுத்து அவர்களுக்கு வாழ்த்துக்கள் குவிந்து வருகிறது.

2023 ஆம் ஆண்டு ஆஸ்கர் விருதுகள் தேர்வு குழுவில் மொத்தம் 398 பேர் உறுப்பினர்களாக தேர்வு செய்யப்பட்டுள்ளனர். இந்த நிலையில் அவர்களில் சில இந்திய பிரபலங்களும் நியமனம் செய்யப்பட்டுள்ளதாக தகவல் வெளியாகியுள்ளது.

குறிப்பாக இயக்குனர் மணிரத்னம், இசையமைப்பாளர் எம்.எம்.கீரவாணி, நடிகர்கள் ராம்சரண், ஜூனியர் என்டிஆர், ஒளிப்பதிவாளர் கேகே செந்தில்குமார், தயாரிப்பாளர் கரன் ஜோகர் உள்பட ஒரு சிலர் உறுப்பினர்களாக தேர்வு செய்யப்பட்டுள்ளனர்

இசையமைப்பாளர் ஏஆர் ரகுமான், நடிகர் சூர்யா ஆகியோர் ஏற்கனவே ஆஸ்கர் விருதுகள் தேர்வுக் குழுவில் உறுப்பினர்களாக உள்ள நிலையில் தற்போது மேலும் சில இந்திய திரை உலக பிரபலங்கள் தேர்வு செய்யப்பட்டுள்ளனர் என்பது குறிப்பிடத்தக்கது.