பிரபல இயக்குனர் மணிரத்னம் இயக்கத்தில் சிம்பு நடித்து வந்த 'செக்க சிவந்த வானம்' திரைப்படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது இந்த படத்தின் படப்பிடிப்பு முடிவடைந்ததாக செய்திகள் வெளிவந்துள்ளது.

இந்த படத்தில் சிம்பு சம்பந்தப்பட்ட காட்சிகள் செர்பியா நாட்ட்டில் கடந்த சில நாட்களாக நடைபெற்று கொண்டிருந்த நிலையில் நேற்றுடன் சிம்பு சம்பந்தப்பட்ட காட்சிகள் முடிவடைந்தது. அதுமட்டுமின்றி இந்த படத்தின் மொத்த படப்பிடிப்பும் முடிவடைந்துவிட்டதாகவும் இந்த படத்தை வரும் செப்டம்பரில் வெளியிட படக்குழுவினர் திட்டமிட்டுள்ளதாகவும் செய்திகள் வெளிவந்துள்ளது. மேலும் விரைவில் இந்த படத்தின் டீசர் வெளிவரவுள்ளதாக வந்து கொண்டிருக்கும் செய்தி சிம்பு ரசிகர்களுக்கு ஒரு உற்சாகாமான செய்தியாக கருதப்படுகிறது

சிம்பு, அரவிந்தசாமி, விஜய்சேதுபதி, அருண்விஜய், ஜோதிகா, ஐஸ்வர்யா ராஜேஷ், அதிதி ராவ், டயானா, பிரகாஷ்ராஜ், தியாகராஜன் மற்றும் மன்சூர் அலிகான் உள்பட பலர் நடித்து வரும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்து வருகிறார்.