విలన్ పాత్రలో మణిరత్నం హీరోయిన్
- IndiaGlitz, [Friday,June 29 2018]
నటనకు స్కోప్ ఉండే పాత్రల్లో నటించేందుకే.. నటీనటులు ఎప్పుడూ ప్రాముఖ్య‌త ఇస్తూ ఉంటారు. అందులోనూ నెగటివ్ రోల్ అంటే.. వారిలోని బెస్ట్ అవుట్ పుట్ ఇవ్వొచ్చనే ఉద్దేశంతో కొంతమంది స్టార్ హీరోస్ కూడా విలన్ పాత్రలు చేయడానికి వెనుకాడడం లేదు. ఇప్పుడు ఈ నెగటివ్ రోల్స్ చేసిన తార‌ల లిస్ట్‌లో.. నిన్నటితరం హీరోయిన్ కూడా చేరుతున్నారు. ఆమె మ‌రెవ‌రో కాదు.. మ‌ధు బాల.
ఆ వివరాల్లోకి వెళితే.. ‘రోజా’, ‘అల్లరి ప్రియుడు’, శంకర్ తొలిచిత్రం ‘జెంటిల్‌మేన్’తో తెలుగు సినీ ప్రేమికులను అలరించిన మ‌ధుబాల.. ఇప్పుడు ఓ తమిళ సినిమా కోసం విలన్‌గా నటించేందుకు గ్రీన్ సిగ్నల్ ఇచ్చారు. 'అగ్నిదేవ్' అనే పేరుతో రూపొందుతున్న ఈ సినిమాలో జాతీయ స్థాయిలో ఉత్త‌మ స‌హాయ న‌టుడిగా అవార్డు అందుకున్న బాబీ సింహా క‌థానాయ‌కుడిగా న‌టిస్తుండ‌గా.. జె.పి.ఆర్ ద‌ర్శ‌క‌త్వం వ‌హిస్తున్నారు.
ప్రేక్షకులను ఉత్కంఠ‌కు గురి చేసే ఈ క్రైమ్ థ్రిల్లర్‌లో మ‌ధు బాల పాత్ర సినిమాకే ప్ర‌ధాన ఆక‌ర్ష‌ణ‌గా నిలుస్తుందని అంటున్నారు. డిసెంబర్ నెలలో విడుదల కానున్న ఈ సినిమా.. తెలుగులోనూ అనువాదం కానుంది.