ఏస్ డైరెక్ట‌ర్ మ‌ణిర‌త్నం ప్రెస్టీజియ‌స్ చిత్రం ‘పొన్నియ‌న్‌సెల్వ‌న్’ చిత్రాన్ని తెర‌కెక్కిస్తోన్న సంగ‌తి తెలిసిందే. పాన్ ఇండియా చిత్రంగా దీన్ని ఆయ‌న రూపొందిస్తున్నారు. మ‌రో ప‌క్క ట్రెండ్‌కు త‌గిన‌ట్లు వెండితెర నుండి డిజిట‌ల్ రంగంలోకి కూడా ఆయ‌న అడుగు పెడుతున్నార‌ని సినీ వ‌ర్గాల స‌మాచారం. నవరస అనే పేరుతో ప్రముఖ డిజిటల్ సంస్థ అమెజాన్ ప్రైమ్ కోసం మణిరత్నం ఓ వెబ్ సిరీస్‌ను రూపొందించ‌డానికి రెడీ అయ్యార‌ట‌. అయితే బిజీ షెడ్యూల్ దృష్ట్యా త‌న‌కొక్క‌డినే కాకుండా తొమ్మిది మంది ద‌ర్శ‌కుల‌తో తొమ్మిది భాగాలుగా ఈ వెబ్‌సిరీస్‌ను నిర్మించ‌డానికి ప్లాన్ చేస్తున్నార‌ట‌.

ఇప్ప‌టికే త‌మిళ చిత్రసీమ‌కి చెందిన కొంత మంది ద‌ర్శ‌కుల‌ను ఆయ‌న ఓకే చేశార‌ట‌. ఇప్పుడు తెలుగు ద‌ర్శ‌కుల‌ను కొంత మందిని తీసుకుంటే బావుంటుంద‌ని ఆయ‌న భావిస్తున్నార‌ట‌. చారిత్రాత్మ‌క నేప‌థ్యంలో ఈ వెబ్ సిరీస్ సాగుతుంద‌ని అంటున్నారు. ఈ వెబ్ సిరీస్ నిర్మాణ బాధ్య‌త‌ల‌ను మ‌ణిర‌త్న‌మే చూస్తార‌ని అంటున్నారు. అస‌లు తొమ్మిది మంది ద‌ర్శ‌కుల‌తో మ‌ణిర‌త్నం ఓ వెబ్ సిరీస్‌ను ప్లాన్ చేయ‌డ‌మే డిఫ‌రెంట్. మ‌రిది ఎప్పుడు సెట్స్‌పైకి వెళుతుందో తెలియాలంటే మాత్రం కొన్ని రోజులు ఆగాల్సిందే.