எல்லோரும் ரொம்ப நாளாக கேட்ட குக் அக்கா இவங்கதான் என்று மணிமேகலை இரண்டு வீடியோக்களை வெளியிட்டுள்ள நிலையில் அந்த வீடியோக்கள் தற்போது இணையத்தில் வைரல் ஆகி வருகின்றன.

விஜய் டிவியில் குக் வித் கோமாளி என்ற நிகழ்ச்சியில் முதலில் கோமாளியாக என்ட்ரியான மணிமேகலை அதன்பின் தொகுப்பாளினியாக இருந்தார் என்பதும் சமீபத்தில் பிரியங்கா உடன் ஏற்பட்ட மோதல் காரணமாக அவர் இந்த நிகழ்ச்சியில் இருந்து வெளியேறி விட்டார் என்பதையும் பார்த்தோம்.

இந்த நிலையில் மணிமேகலை தன்னுடைய வீட்டில் வேலை செய்யும் சமையல் செய்யும் பெண் குறித்த வீடியோவை தனது இன்ஸ்டாவில் பதிவு செய்துள்ளார். எங்கள் வீட்டின் குக்குக்கு ஒரு சர்ப்ரைஸ் என்று கூறி தனக்கு சமையல் செய்து கொடுத்த அக்காவுக்கு நான் பரிமாறுகிறேன் என்று பதிவு செய்துள்ளார்.

மேலும் அவரை ஜவுளி கடைக்கு அழைத்து சென்று புடவை வாங்கி கொடுத்த வீடியோவையும் வெளியிட்டுள்ளார். இந்த பதிவில் அவர் ’எல்லாரும் ரொம்ப நாளா கேட்ட அந்த குக் அக்கா இவங்க தான். இன்றுடன் அவர் எங்கள் வீட்டிற்கு வந்து நான்கு நாட்கள் ஆகிவிட்டது, அன்புடன் எங்கள் லட்சுமி அக்கா’ என்று பதிவு செய்துள்ளார். இந்த இரண்டு வீடியோக்களும் தற்போது இணையத்தில் வைரலாகி வருகிறது.