కాశీ పర్యటనలో మణిశర్మ
- IndiaGlitz, [Sunday,November 24 2019]
స్వర బ్రహ్మ మణిశర్మ కాశీ పర్యటనలో ఉన్నారు. కార్తీక మాసంలో కాశీకి రావడం పూర్వజన్మ సుకృతంగా భావిస్తున్నట్లు మీడియాతో తెలిపారు. మొదటి సారి కాశీకి వచ్చానని.... గణపతి సచ్చిదానంద స్వామి నిర్వహిస్తోన్న అతిరుద్ర యాగం చూడడానికి విచ్చేసినట్లు వెల్లడించారు. ఇంద్ర సినిమా సమయంలోనూ కాశీ దర్శనం చేసుకోవాలని ప్రయత్నించినా కుదరలేదన్నారు. ఆ టైంలో సినిమాకు సంగీతం అందించడంలో బిజీగా ఉండడం వల్ల రాలేక పోయానని తెలిపారు. ఇప్పటి వరకు కాశీలోని చాలా ఆలయాలు దర్శించుకున్నానని... దైవదర్శనంతో మనస్సుకు సంతృప్తిగా ఉన్నట్లు తెలిపారు మణిశర్మ.