മണിരത്നത്തിൻ്റെ 'പൊന്നിയിൻ സെൽവൻ 2' എത്തുന്നു
- IndiaGlitz, [Wednesday,December 28 2022]
മണിരത്നം ചിത്രമായ പൊന്നിയിൻ സെൽവൻ 2 ൻ്റെ റിലീസ് പ്രഖ്യാപിച്ചു. മികച്ച വിജയം നേടിയ ചിത്രമായിരുന്നു മണിരത്നത്തിൻ്റെ പൊന്നിയിൻ സെൽവൻ. 2023 ഏപ്രിൽ 28നാണ് ചിത്രത്തിൻ്റെ രണ്ടാം ഭാഗം പ്രദർശനത്തിനെത്തുന്നത്. തമിഴ് കൂടാതെ മലയാളം, തെലുങ്ക്, കന്നഡ, ഹിന്ദി എന്നീ ഭാഷകളിലും ചിത്രം റിലീസ് ചെയ്യും.
ആദ്യഭാഗം എത്തി 6-9 മാസത്തിനകം രണ്ടാംഭാഗം പുറത്തുവരുമെന്ന് മണിരത്നം നേരത്തേ അറിയിച്ചിരുന്നു. ഇതിഹാസ സാഹിത്യകാരൻ കല്‍ക്കി കൃഷ്ണമൂര്‍ത്തിയുടെ പൊന്നിയിൻ സെൽവൻ എന്ന നോവലിനെ ആധാരമാക്കിയാണ് മണിരതണം സിനിമ ഒരുക്കിയത്. ഐശ്വര്യ റായി രണ്ട് കഥാപാത്രങ്ങളെയാണ് ചിത്രത്തിൽ അവതരിപ്പിക്കുന്നത്. വിക്രം, കാര്‍ത്തി, ജയറാം, ജയം രവി, തൃഷ, ശരത് കുമാർ, ഐശ്വര്യ ലക്ഷ്മി, ലാൽ, പ്രകാശ് രാജ്, റഹ്മാൻ എന്നിവരാണ് മറ്റു താരങ്ങൾ. എ ആർ. റഹ്മാനാണ് ചിത്രത്തിന് സംഗീതം നൽകിയിരിക്കുന്നത്.