ఖ‌చ్చితంగా ఆయ‌న‌తో సినిమా చేస్తానంటున్న నాని
- IndiaGlitz, [Wednesday,February 10 2016]
యువ హీరో నాని ఖ‌చ్చితంగా సినిమా చేస్తానంటున్నాడు ఎవ‌రితో అనుకుంటున్నారా...? భార‌త‌దేశం గ‌ర్వించ‌ద‌గ్గ ద‌ర్శ‌కుల్లో ఒక‌రైన మ‌ణిర‌త్నంతో..ఇటీవ‌ల మణిరత్నం తెర‌కెక్కించిన చిత్రం ఓకె బంగారం. ఈ చిత్రంలో హీరో దుల్క‌ర్ స‌ల్మాన్ కి నాని డ‌బ్బింగ్ చెప్పాడు కూడా. ఆ స‌మ‌యంలో నానికి మ‌ణిర‌త్నంతో ప‌రిచ‌యం పెరిగింది. ఆత‌ర్వాత మణిరత్నం త‌దుప‌రి చిత్రంలో నాని న‌టిస్తున్న‌ట్టు వార్త‌లు వ‌చ్చాయి.
అయితే ఏమైందో ఏమో కానీ...ఆ ప్రాజెక్ట్ ఆగిపోయింది. ఈ విషయం గురించి నానిని అడిగితే...మణిరత్నం గారితో చేయాల‌నుకున్న సినిమా క‌థ, అప్ప‌ట్లో రిలీజైన బాలీవుడ్ మూవీకి కాస్త ద‌గ్గ‌ర‌గా ఉండ‌డంతో ఆ ప్రాజెక్ట్ ఆగిపోయింది. అయితే మణిరత్నం గారితో నేను ఖ‌చ్చితంగా సినిమా చేస్తాను. కానీ ఎప్పుడు అనేది మాత్రం ఇప్పుడు చెప్ప‌లేను అంటున్నాడు. అదీ సంగ‌తి.