மணிரத்னம் இயக்கும் அடுத்த பட டைட்டில் இதுதான்
- IndiaGlitz, [Sunday,November 13 2016]
கார்த்தி, அதிதிராவ் ஹைதி நடிப்பில் மணிரத்னம் இயக்கி வரும் 'காற்று வெளியிடை' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தின் தெலுங்கு டைட்டில் 'டூயட்' என்பதை நேற்று பார்த்தோம்
இந்நிலையில் மணிரத்னம் அவர்களின் மெட்ராஸ் டாக்கீஸ் நிறுவனம் 'எதிர்க்கட்சி' என்ற டைட்டிலை பதிவு செய்துள்ளது. இதனால் அவர் இயக்கும் அடுத்த படத்தின் டைட்டில் இதுதான் என்று எதிர்பார்க்கப்படுகிறது.
'காற்று வெளீயிடை' படத்தை முடித்த பின்னர் மணிரத்னம் அவர்கள் நடிகர் அதர்வா நடிக்கும் படத்தை இயக்கவுள்ளதாக கடந்த இரண்டு நாட்களுக்கு முன் செய்தி வெளிவந்தது. இந்த படத்தின் டைட்டில்தான் 'எதிர்க்கட்சி' ஆக இருக்குமோ என்று கூறப்படுகிறது. எனினும் மெட்ராஸ் டாக்கீஸ் நிறுவனத்திடம் இருந்து அதிகாரபூர்வ அறிவிப்பு வரும் வரை பொறுமை காப்போம்.