'காற்று வெளியிடை' படத்திற்கு பின்னர் மணிரத்னம் இயக்கவுள்ள அடுத்த படத்தின் ஆரம்பகட்ட பணிகள் சமீபத்தில் தொடங்கிய நிலையில் தற்போது இந்த படத்தின் நடிகர், நடிகைகளின் தேர்வுப்பணி நடைபெற்று வருகிறது. இந்த படத்தில் ராம்சரண் தேஜா ஹீரோவாக நடிக்கவுள்ளதாக ஏற்கனவே கூறப்பட்ட நிலையில் தற்போது இந்த படத்தின் நாயகியும் இறுதி செய்யப்பட்டுவிட்டதாக தகவல்கள் வெளிவந்துள்ளது.

நடிகை கரீனா கபூரின் கணவரும் பாலிவுட்டின் பிரபல நடிகருமான சயீப் அலிகான் அவர்களின் மகள் சாரா அலிகான் இந்த படத்தில் நாயகியாக நடிக்கவுள்ளார். சயீப் அலிகானின் முதல் மனைவிக்கு பிறந்த இவர் மணிரத்னம் படத்தில் அறிமுகம் ஆவதன் மூலம் திரையுலகில் காலடி எடுத்து வைக்கின்ரார்.

மேலும் இந்த படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்கள் குறித்த அறிவிப்பும், படப்பிடிப்பு தொடங்கும் தேதி குறித்த அறிவிப்பும் மிக விரைவில் வெளியாகும் என்று எதிர்பார்க்கப்படுகிறது.