మంచు విష్ణు ద్విభాషా చిత్రం ప్రారంభం..!
- IndiaGlitz, [Thursday,January 19 2017]
మంచు విష్ణు, సుర‌భి జంట‌గా తెలుగు, త‌మిళ్ లో రూపొందుతున్న చిత్రం ఈరోజు ప్రారంభ‌మైంది. ఈ చిత్రానికి జి.ఎస్.కార్తీక్ ద‌ర్శ‌క‌త్వం వ‌హించ‌నున్నారు. యాక్ష‌న్ ఎంట‌ర్ టైన‌ర్ గా రూపొందుతున్న ఈ చిత్రాన్ని రామ రీల్స్ బ్యాన‌ర్ పై జాన్ సుధీర్ పుధోట నిర్మిస్తున్నారు. ఈరోజు ప్రారంభించిన ముహుర్త‌పు స‌న్నివేశానికి మోహ‌న్ బాబు క్లాప్ ఇవ్వ‌గా ఎం.ఎం.కీర‌వాణి స్విచ్చాన్ చేసారు. సీనియ‌ర్ రైట‌ర్ విజ‌యేంద్ర‌ప్ర‌సాద్ గౌర‌వ ద‌ర్శ‌క‌త్వం వ‌హించారు. తెలుగు, త‌మిళ్ లో ఒకేసారి ఈ చిత్రాన్ని రూపొందించ‌నున్నారు.
ఈ సందర్భంగా నిర్మాత జాన్ సుధీర్ పుధోట మాట్లాడుతూ...మోహ‌న్ బాబు గారు, కీర‌వాణి గారు, విజ‌యేంద్ర‌ప్ర‌సాద్ గారు సమక్షంలో మా సంస్థ నిర్మించే 5వ చిత్రం ప్రారంభం కావడం చాలా సంతోషంగా ఉంది. యూనివ‌ర్శిల్ స‌బ్జెక్ట్ తో రూపొందుతున్న ఈ చిత్రాన్ని తెలుగు, త‌మిళ్ లో నిర్మిస్తున్నాం. ఈ చిత్రానికి ఎస్.ఎస్. త‌మ‌న్ సంగీతం అందిస్తున్నారు. ఈరోజు నుంచి రెగ్యుల‌ర్ షూటింగ్ ప్రారంభించ‌నున్నాం అని తెలిపారు.
విష్ణు, సుర‌భి, సంప‌త్ రాజ్, పోసాని కృష్ణ‌ముర‌ళి, నాజ‌ర్,ప్ర‌గ‌తి, బ్ర‌హ్మాజీ, సుప్రీత్, శ్ర‌వ‌ణ్, ఎల్.బి.శ్రీరామ్ త‌దిత‌రులు న‌టిస్తున్న ఈ చిత్రానికి కో - ప్రొడ్యూస‌ర్ - కిర‌ణ్ తుమ్మ‌ల, లైన్ ప్రొడ్యూస‌ర్ - ఎస్.కె.న‌యిం, కెమెరా - రాజేష్ యాద‌వ్, మ్యూజిక్ - ఎస్.ఎస్.త‌మ‌న్, ఎడిటింగ్ - కె.ఎల్ ప్రవీణ్, ఆర్ట్ డైరెక్ట‌ర్ - కిర‌ణ్ మ‌న్నే, నిర్మాత జాన్ సుధీర్ ఫుధోట, స్టోరీ, స్ర్కీన్ ప్లే, డైరెక్ష‌న్ - జి.ఎస్.కార్తీక్