గుంటూరు టాకీస్ అని ఊరు పేరుతో ప్ర‌వీణ్ స‌త్తార్ చేసిన సినిమా మంచి టాక్ సాధించుకుంది. ఇప్పుడు అలాంటి టైటిల్‌నే మ‌రో సినిమాకు పెట్ట‌నున్నారు ఆ టైటిలే `గుంటూరోడు`. క్లాప్ప్ అండ్ విజిల్స్ ఎంట‌ర్ టైన్‌మెంట్స్ బ్యాన‌ర్‌పై మ‌నోజ్ హీరోగా స‌త్య ద‌ర్శ‌క‌త్వంలో తెర‌కెక్కుతోన్న సినిమాకు `గుంటూరోడు` అనే టైటిల్‌ను నిర్ణ‌యించార‌ని స‌మాచారం.

ఈ చిత్రంలో మ‌నోజ్ స‌ర‌స‌న‌ `కంచె` ఫేమ్ ప్ర‌గ్యా జైశ్వాల్ హీరోయిన్‌గా న‌టిస్తుంది. ఇందులో గొడ‌వ‌లు చేసే యువ‌కుడి పాత్ర‌లో మ‌నోజ్ క‌నిపిస్తాడట‌. అంటే ప్రేక్ష‌కుల‌కు గుంటూరు కారంలాంటి యాక్ష‌న్‌ను ప‌రిచ‌యం చేయ‌నున్నాడన్న‌మాట‌. సంప‌త్ ఈ చిత్రంలో విల‌న్‌గా న‌టిస్తున్నాడ‌ట‌. హీరో, విల‌న్ మ‌ధ్య పోరు ఆస‌క్తిక‌రంగా ఉంటుంద‌ని వార్త‌లు వ‌స్తున్నాయి. ఈ సినిమాను డిసెంబ‌ర్‌లో ప్రేక్ష‌కులు ముందుకు తీసుకురావడానికి యూనిట్ స‌న్నాహాలు చేస్తుంది. త్వ‌ర‌లోనే సినిమా టైటిల్‌కు సంబంధించిన అదికార‌క ప్ర‌క‌ట‌న రావ‌చ్చు.