ఇన్సల్ట్ చెయ్యొద్దంటున్న హీరో
- IndiaGlitz, [Saturday,January 05 2019]
హీరో మంచు మ‌నోజ్ ఇప్పుడు సినిమాల‌కు కాస్త బ్రేక్ తీసుకున్నాడు. సోష‌ల్ మీడియాలో యాక్టివ్‌గా ఉంటూ స‌మ‌జానికి సంబంధించిన విష‌యాల్లో భాగ‌మ‌య్యేలా ప‌నులు చేస్తున్నారు. ఇటీవ‌ల ఓ పేషంట్‌కు ర‌క్తం కావాల‌ని మ‌నోజ్ సోష‌ల్ మీడియాలో పోస్ట్ చేయ‌గానే నెటిజ‌న్స్ స‌కాలంలో స్పందించి ర‌క్తం అందేలా చేశారు. పెషంట్ బ్ర‌తికారు.
దీంతో పెషంట్ బంధువు ఒక‌రు 'థాంక్స్ అన్నా..నీ వ‌ల్ల ఒక కుటుంబం ఆనందంగాఉంది. నువ్వు మెసేజ్ పోస్ట్ చేయ‌డం వ‌ల్లే అంత మంది ర‌క్తం అందించడానికి ముందుకు వ‌చ్చారు' అని ట్వీట్ చేశారు. దానికి ప్ర‌తిగా మ‌నోజ్ 'ద‌య‌చేసి థాంక్స్ చెప్పి న‌న్ను ఇన్సల్ట్ చెయ్యొద్దు త‌మ్ముడు. ఈ ప్ర‌పంచంలో మ‌నుషులంతా క‌లిసి ఉండాలి. ఒక‌రి ఒక‌రు తోడుగా ఉండాలి. ల‌వ్ యు ఆల్‌' అంటూ మెసేజ్‌ను పోస్ట్ చేశారు.