చరణ్ కు కుదరలేదు..చిరంజీవిగారు చేశారు: మనోజ్
- IndiaGlitz, [Sunday,February 26 2017]
మంచు మనోజ్ హీరోగా సత్య ఎస్.కె దర్శకత్వంలో రూపొందిన గుంటూరోడు సినిమా మార్చి 3న విడుద‌ల‌వుతుంది. ఈ సినిమాకు మెగాస్టార్ చిరంజీవి వాయిస్ ఓవ‌ర్ ఇచ్చిన సంగ‌తి తెలిసిందే. అయితే దీని వెనుక క‌థ‌ను మనోజ్ ఈరోజు ఇంటర్వ్యూ సందర్భంగా తెలియ‌జేశారు. ముందు మనోజ్ వాయిస్ ఓవ‌ర్ చెప్ప‌మ‌ని చ‌ర‌ణ్‌ను అడిగాడ‌ట. అయితే తాను హైద‌రాబాద్‌లో లేను..రావ‌డానికి ప‌ది రోజులు ప‌డుతుంది. వ‌చ్చిన త‌ర్వాత త‌ప్ప‌కుండా చెబుతాన‌ని అన్నాడ‌ట.
అయితే సెన్సార్ టైం ద‌గ్గ‌ర ప‌డుతుండ‌టంతో మనోజ్..మ‌రుస‌టి రోజు తండ్రి మోహ‌న్‌బాబుతో క‌లిసి చిరంజీవి ఇంటికి అల్పాహారానికి వెళ్ళిన‌ప్పుడు త‌న కోరిక‌ను చెప్పాడ‌ట. చిరు వెంట‌నే వాయిస్ ఓవ‌ర్ చెప్ప‌డానికి గ్రీన్ సిగ్న‌ల్ ఇచ్చేశాడ‌ట. మీలో ఎవ‌రు కోటీశ్వ‌రుడుతో బిజీగా ఉన్న‌ప్ప‌టికీ చిరంజీవిగారు స‌మ‌యం తీసుకుని వాయిస్ ఓవ‌ర్ చెప్ప‌డం చాలా గ్రేట్ అని ఈ సందర్భంగా మనోజ్ తెలిపారు.