మంచు మోహ‌న్‌బాబు విల‌క్ష‌ణ న‌టుడుగా త‌న‌కంటూ ప్ర‌త్యేక స్థానాన్ని సంపాదించుకున్న సంగ‌తి తెలిసిందే. మోహ‌న్‌బాబు త‌న‌యులు మంచు విష్ణు, మంచు మ‌నోజ్‌, త‌న‌య మంచు ల‌క్ష్మి తండ్రి బాట‌లోనే న‌డుస్తూ సినిమాల్లో న‌టిస్తున్నారు. అడ‌పా ద‌డ‌పా హిట్స్ వ‌స్తున్న భారీ హిట్ కోసం విష్ణు, మ‌నోజ్‌లు డిఫ‌రెంట్ ప్ర‌య‌త్నాలు చేస్తూనే ఉన్నారు.

మంచు విష్ణు హీరోగా జి.నాగేశ్వ‌ర‌రెడ్డి ద‌ర్శ‌క‌త్వంలో ఆచారి అమెరికా యాత్ర సినిమాతో పాటు జి.కార్తీక‌రెడ్డి ద‌ర్శ‌క‌త్వంలో తెలుగు, త‌మిళంలో వోట‌ర్ అనే బై లింగ్వువ‌ల్ సినిమా చేస్తున్నాడు. మంచు మ‌నోజ్ ఒక్క‌డు మిగిలాడు సినిమా చేస్తున్నాడు. ఇప్పుడు మంచు హీరోల దృష్టి అమెరికాలో మీరా రోడ్ కాల్ సెంట‌ర్ స్కాంపై ప‌డింది. అమెరికా వాసుల‌న మోసం చేసిన ఈ స్కాంకు వివ‌రాల సేక‌ర‌ణ జ‌రుగుతుంద‌ట‌. త్వ‌ర‌లోనే దీనికి సంబంధించిన పూర్తి వివ‌రాలు తెలుస్తాయి. ఇందులో నిజానిజాలు తెలియాలంటే కొన్ని రోజులు ఆగాల్సిందే...