మనమంతా టీజ‌ర్ రిలీజ్ డేట్..
- IndiaGlitz, [Thursday,June 23 2016]
మ‌ల‌యాళ సూపర్ స్టార్ మోహ‌న్ లాల్, గౌత‌మి, కేరింత ఫేం విశ్వంత్ ప్ర‌ధాన పాత్ర‌ల్లో చంద్ర‌శేఖ‌ర్ ఏలేటి ద‌ర్శ‌క‌త్వంలో రూపొందుతున్న చిత్రం మనమంతా. ఈ చిత్రాన్ని వారాహి చ‌ల‌న‌చిత్ర బ్యాన‌ర్ పై సాయి కొర్ర‌పాటి నిర్మిస్తున్నారు. తెలుగు, త‌మిళ్, మళయాల భాషల్లో రూపొందుతున్న ఈ విభిన్న క‌థా చిత్రం మనమంతా టీజ‌ర్ ను రేపు రిలీజ్ చేయ‌నున్నారు.
ఈ చిత్రం కోసం మోహ‌న్ లాల్ ఫ‌స్ట్ టైమ్ తెలుగు నేర్చుకుని డ‌బ్బింగ్ చెబుతుండ‌డం విశేషం. ఐతే, అనుకోకుండా ఒక రోజు, సాహ‌సం...ఇలా డిఫ‌రెంట్ స్టోరీస్ తెర‌కెక్కించే చంద్ర‌శేఖ‌ర్ ఏలేటి ఈసారి బ‌డికి వెళ్లే బాలిక, టీనేజ్ కుర్రాడు, మధ్య వయసున్న మరో ఇద్దరు.. ఈ నలుగురి జీవితాలు అనుకోకుండా ఒక చోట కలవడం, దాంతో అందరి జీవితాలూ అనుకోని మలుపులు తిర‌గడం అనే వినూత్న కాన్సెప్ట్‌తో మనమంతా చిత్రాన్ని తెర‌కెక్కిస్తున్నారు. సీనియ‌ర్ న‌టి గౌత‌మి దాదాపు రెండు ద‌శాబ్దాల త‌ర్వాత ఈ చిత్రంలో న‌టించ‌డం విశేషం. రేప‌టితో మనమంతా షూటింగ్ మొత్తం పూర్త‌వుతుంది. మ‌హేష్ శంక‌ర్ సంగీతం అందిస్తున్న మ‌న‌మంత ఆడియోను, సినిమాను త్వ‌ర‌లో రిలీజ్ చేయ‌డానికి ప్లాన్ చేస్తున్నారు.