అక్కినేని నాగేశ్వ‌ర‌రావు, నాగార్జున‌, నాగ చైత‌న్య‌, అఖిల్....ఇలా అక్కినేని ఫ్యామిలీ హీరోలు క‌లిసి న‌టించిన సంచ‌ల‌న చిత్రం మ‌నం. విక్ర‌మ్ కుమార్ ద‌ర్శ‌క‌త్వంలో అక్కినేని నాగార్జున నిర్మించిన మ‌నం చిత్రం అన్నివ‌ర్గాల ప్రేక్ష‌కుల ఆద‌ర‌ణ‌తో ఓ క్లాసిక్ గా నిలిచింది. ఈ చిత్రాన్ని బాలీవుడ్ లో అమితాబ్ బ‌చ్చ‌న్, అభిషేక్ బ‌చ్చ‌న్ రీమేక్ చేయనున్న‌ట్టు వార్త‌లు వ‌చ్చాయి. ఆత‌ర్వాత పి.జె.శ‌ర్మ‌, సాయికుమార్, ఆది క‌లిసి ఈ చిత్రాన్ని క‌న్న‌డ‌లో రీమేక్ చేయ‌డానికి ప్ర‌య‌త్నిస్తున్న‌ట్టు కూడా ప్ర‌చారం జ‌రిగింది.

కానీ..ఇవేమీ జ‌ర‌గ‌లేదు. అయితే లేటెస్ట్ న్యూస్ ఏమిటంటే...మ‌నం చిత్రాన్ని మ‌ల‌యాళంలో మ‌మ్ముట్టి రీమేక్ చేస్తున్నార‌ట‌. నాగార్జున పాత్ర‌ను మమ్ముట్టి, నాగ‌చైత‌న్య పాత్ర‌ను దుల్క‌ర్ స‌ల్మాన్, అక్కినేని నాగేశ్వ‌ర‌రావు పాత్ర‌ను ఏక్ట‌ర్ మ‌ధు పోషించ‌నున్న‌ట్టు స‌మాచారం. ఇక హీరోయిన్స్ విష‌యానికి వ‌స్తే...స‌మంత పాత్ర‌ను నిత్యామీన‌న్, శ్రియ పాత్ర‌ను మ‌మ‌తా మోహ‌న్ దాస్ పోషించ‌నున్న‌ట్టు తెలిసింది.