மாநகர பேருந்து முன் விழுந்து தற்கொலை செய்த இளைஞர்: சென்னையில் பயங்கரம்!
- IndiaGlitz, [Saturday,December 19 2020]
சென்னையில் விசாரணைக்காக காவல்நிலையம் வந்த இளைஞர் ஒருவர் திடீரென மாநகரப் பேருந்து முன் விழுந்து தற்கொலை செய்து கொண்ட சம்பவத்தால் பெரும் அதிர்ச்சி ஏற்பட்டுள்ளது. இந்த சம்பவத்தின் சிசிடிவி காட்சிகள் பெரும் பரபரப்பை ஏற்படுத்தியுள்ளது
சென்னை புறநகர் பகுதியான செம்மஞ்சேரியில் சதீஷ் என்பவர் பக்கத்து வீட்டில் வசிக்கும் பானுமதி என்ற பெண்ணிடம் தகராறில் ஈடுபட்டதாக புகார் அளிக்கப்பட்டது. பானுமதி அளித்த இந்த புகாரின் அடிப்படையில் செம்மஞ்சேரி போலீசார் சதீஷை விசாரணைக்காக வரவழைத்தனர்
காவல்நிலையம் வந்த சதீஷ் மது போதையில் இருந்ததாக கூறப்படுகிறது. இந்த நிலையில் திடீரென காவல் நிலையத்தில் இருந்து வெளியே ஓடிவந்த சதீஷ் செம்மஞ்சேரி நோக்கி சென்று கொண்டிருந்த மாநகரப் பேருந்தின் முன் விழுந்தார். இதனால் சம்பவ இடத்திலேயே சதீஷ் உயிரிழந்த நிலையில் அவரின் உறவினர்கள் போலீசார் மீது குற்றம்சாட்டி சாலை மறியலில் ஈடுபட்டனர்
சிசிடிவி காட்சிகளை ஆய்வு செய்து யார் மீது தவறு என்பதை கண்டறியும் முயற்சியில் காவல்துறை ஈடுபட்டுள்ளது. சென்னையில் பட்டப்பகலில் காவல் நிலையத்தின் முன்னரே பேருந்து மாநகரப் பேருந்தின் முன் விழுந்து தற்கொலை செய்து கொண்ட இளைஞரால் பெரும் பரபரப்பு ஏற்பட்டுள்ளது