മമ്മുട്ടി ചിത്രം 'ക്രിസ്റ്റഫർ' കൂക്ക് ലെൻസിൻ്റെ ഒഫീഷ്യൽ സൈറ്റിൽ ഇടം നേടി
- IndiaGlitz, [Wednesday,March 29 2023]
ലോകത്തിലെ ഏറ്റവും വലിയ ലെൻസ് നിർമ്മാതാക്കളുടെ സൈറ്റാണ് 'കൂക്ക് ലെൻസ്'. ഇവരുടെ ലെൻസിൽ ഷൂട്ട് ചെയ്ത ചിത്രങ്ങളുടെ ലിസ്റ്റിലാണ് ബി. ഉണ്ണികൃഷ്ണൻ സംവിധാനം ചെയ്ത മലയാള ചിത്രം 'ക്രിസ്റ്റഫർ' ഒന്നാം സ്ഥാനം കരസ്ഥമാക്കിയിരിക്കുന്നത്. ഈ ലിറ്റിൽ ഇടം നേടിയ ഒരേയൊരു ഇന്ത്യൻ ചിത്രമാണ് 'ക്രിസ്റ്റഫർ' എന്നതാണ് എടുത്ത് പറയേണ്ട മറ്റൊരു പ്രത്യേകത. 'ബയോഗ്രഫി ഓഫ് എ വിജിലാന്റി കോപ്' എന്ന ടാഗ് ലൈനോടെ പുറത്തിറങ്ങിയ 'ക്രിസ്റ്റഫർ' ഫെബ്രുവരി 9 നാണ് തിയേറ്റർ റിലീസ് ചെയ്തത്. തിയറ്ററുകളിലെ ഗംഭീര റെസ്പോൺസുകൾക്ക് ശേഷം ഒടിടിയിലും മികച്ച പ്രതികരണങ്ങളാണ് ചിത്രത്തിന് ലഭിച്ചത്. ഉദയകൃഷ്ണന്റെതാണ് തിരക്കഥ. 'ആർ ഡി ഇല്ല്യൂമിനേഷൻ'ൻ്റെ ബാനറിൽ സംവിധായകൻ ബി ഉണ്ണികൃഷ്‌ണനാണ് ചിത്രം നിർമ്മിച്ചത്.