'காலா' படத்தில் வரும் 'பீம்ஜியும் சூப்பர் ஸ்டார் தானா?
- IndiaGlitz, [Sunday,June 04 2017]
சூப்பர் ஸ்டார் ரஜினிகாந்த் நடித்து வரும் 'காலா கரிகாலன்' படத்தின் படப்பிடிப்பு மும்பையில் விறுவிறுப்பாக நடைபெற்று வருகிறது. பா.ரஞ்சித் இயக்கி வரும் இந்த படத்தில் ரஜினி மும்பை டான் கேரக்டரில் நடிக்கின்றார் என்பதும் அவருக்கு ஜோடியாக பிரபல பாலிவுட் நடிகை ஹூமா குரேஷி நடிக்கவுள்ளது குறித்தும் நாம் அறிந்ததே.
இந்த நிலையில் இந்த படத்தில் பீம்ஜி என்ற கேரக்டர் உள்ளது என்பதை சமீபத்தில் ஹூமா குரேஷி தனது இன்ஸ்டாகிராம் பக்கத்தில் வெளியிட்ட திரைக்கதை பேப்பரில் இருந்து தெரியவந்துள்ளது. சட்டமேதை அம்பேத்கருக்கு இன்னொரு பெயர் பீம்ஜி என்பதால் அவரது கேரக்டர் இந்த படத்தில் இருக்கலாம் என்று கருதப்பட்டது.
இந்த நிலையில் தற்போது வெளிவந்துள்ள புதிய தகவலின்படி பீம்ஜி கேரக்டரில் மலையாள சூப்பர் ஸ்டார் மம்முட்டி நடிக்கவுள்ளதாக கூறப்படுகிறது. கடந்த 1991ஆம் ஆண்டு சூப்பர் ஸ்டார் ரஜினியும், கேரள சூப்பர் ஸ்டார் மம்முட்டியும் இணைந்து நடித்த 'தளபதி' திரைப்படம் இன்றளவும் அனைவரும் விரும்பத்தக்க ஒரு படமாக இருக்கும் நிலையில் 25 வருடங்களுக்கு பின் மீண்டும் இரண்டு சூப்பர் ஸ்டார்களும் இணையவுள்ளதாக தெரிகிறது. இருப்பினும் இந்த கேரக்டர் குறித்து அதிகாரபூர்வ தகவல் படக்குழுவினர்களிடம் இருந்து வெளிவரும் வரை பொறுமை காப்போம்.