'மாமன்னன்' படம் தான் கடைசி படமா? உதயநிதி பேட்டி
- IndiaGlitz, [Thursday,May 12 2022]
உதயநிதி ஸ்டாலின் நடித்த ’நெஞ்சுக்கு நீதி’ என்ற திரைப்படம் வரும் 20ஆம் தேதி திரையரங்குகளில் வெளியாக இருக்கும் நிலையில் அவர் மாரி செல்வராஜ் இயக்கத்தில் உருவாக இருக்கும் ’மாமன்னன்’ என்ற திரைப்படத்தில் நடிக்க உள்ளார். கீர்த்தி சுரேஷ் நாயகியாக நடிக்க உள்ள இந்த படத்தின் படப்பிடிப்பு தொடங்கி விட்டதாக தகவல் வெளியானது .
இந்த நிலையில் நமக்கு அளித்த பிரத்யேக பேட்டியில் உதயநிதி ஸ்டாலின், ‘மாமன்னன் திரைப்படம்தான் அனேகமாக எனது கடைசி படமாக இருக்கலாம் என்று கூறியுள்ளார். சினிமாவை விட அரசியலில் அதிக ஆர்வம் இருப்பதாகவும் அரசியலில் செய்ய வேண்டிய பணிகள் அதிகம் இருப்பதாகவும் எனவே 100% அரசியலில் கவனம் செலுத்துவதற்காகவும், அரசியலை இன்னும் அதிகம் கற்று கொள்ளவும் திட்டமிட்டுள்ளேன் என்றும் அவர் கூறியுள்ளார் .
உதயநிதியின் இந்த முடிவு ரசிகர்கள் மத்தியில் அதிர்ச்சியை ஏற்படுத்தினாலும் அவரது சேவை தமிழ் நாட்டுக்கு தேவை என்ற வகையில் அவரது முடிவு சரியாகவே இருக்கும் என திமுக தொண்டர்கள் கருத்து தெரிவித்து வருகின்றனர். மேலும் உதயநிதி ஸ்டாலின் இந்த பேட்டியில் கமல்ஹாசனுடன் அரசியல் ரீதியான எதிர்ப்பு, சினிமாரீதியான உறவு உள்பட பல விஷயங்களை பகிர்ந்துள்ளார். இந்த பேட்டியின் முழு வீடியோ இதோ: