மாரி செல்வராஜ் இயக்கத்தில் உதயநிதி ஸ்டாலின் நடிப்பில் உருவான ’மாமன்னன்’ திரைப்படம் கடந்த வியாழக்கிழமை பக்ரீத் திருநாளில் வெளியாகியது என்பதும் இந்த படத்திற்கு ஒட்டுமொத்தமாக பாசிட்டிவ் விமர்சனங்கள் குவிந்ததை அடுத்து இந்த படத்திற்கு கூட்டம் கூட்டமாக ஃபேமிலி ஆடியன்ஸ்கள் திரையரங்குகளில் குவிந்தனர் என்பதையும் ஏற்கனவே பார்த்தோம்.

இந்த நிலையில் வியாழன், வெள்ளி, சனி, ஞாயிறு ஆகிய நான்கு நாட்களில் இந்த படம் 25 கோடி ரூபாய் வசூல் செய்திருப்பதாக டிரேடிங் வட்டாரங்களிலிருந்து தகவல் வெளியாகியுள்ளது. இது உதயநிதி ஸ்டாலின் படங்களில் அதிகபட்ச வசூல் என்றும் கூறப்படுகிறது.

’மாமன்னன்’ திரைப்படம் தான் தனது கடைசி படம் என உதயநிதி ஸ்டாலின் ஏற்கனவே கூறியுள்ள நிலையில் அவரது கடைசி படம் வசூல் சாதனை செய்துள்ள படமாக இருக்கும் என்று எதிர்பார்க்கப்படுகிறது.

ஏற்கனவே வரும் 15ஆம் தேதி வரை வேறு எந்த பெரிய படங்களும் ரிலீஸ் இல்லை என்பதால் ’மாமன்னன்’ திரைப்படம் இனிவரும் நாட்களில் அதிகமாக வசூல் செய்யும் என்று எதிர்பார்க்கப்படுகிறது