అప్పుడ‌ప్పుడూ ఇండ‌స్ట్రీలో కొన్ని విష‌యాలు జ‌రుగుతుంటాయి. అవి త‌ర్వాత చ‌ర్చ‌నీయాంశాలుగా మారుతాయి. మ‌రికొంద‌రు వాటిని ఆచ‌రిస్తారు. అలాంటి అగ్రిమెంట్‌నే గ‌తంలో న‌య‌న‌తార చేసింది. `తుల‌సి` సినిమా చేస్తున్న‌ప్పుడు తాను ప్ర‌చారాల‌కు రాన‌ని ఖ‌రాఖండిగా చెప్పి సురేష్ ప్రొడ‌క్ష‌న్స్ లో అగ్రిమెంట్ చేసుకుంది న‌య‌న‌తార‌. అంత‌కు ముందు హీరోయిన్లు ఎవ‌రూ అలాంటి ష‌ర‌తుల‌తో అగ్రిమెంట్లు చేసుకోలేదు. ఆ త‌ర్వాత ఇలాంటి అగ్రిమెంట్ల గురించి పెద్ద‌గా టాక్ లేదు. కానీ తాజాగా `మ‌ల్లేశం` చిత్ర ద‌ర్శ‌కుడు అగ్రిమెంట్ విష‌యంలో మ‌రోసారి టాక్ ఆఫ్ ది టౌన్ అయ్యారు.

ప్రియ‌ద‌ర్శి హీరోగా న‌టించిన మ‌ల్లేశం చిత్ర ద‌ర్శ‌కుడు రాజ్ ఈ సారి అగ్రిమెంట్ చేసుకుంది క్యాస్టింగ్ కౌచ్ విష‌యంలో. త‌న టీమ్‌లో ఎవ‌రైనా, ఎవ‌రినైనా లైంగికంగా వేధించార‌ని తెలిస్తే వెంట‌నే సినిమా నుంచి బ‌య‌ట‌కు వెళ్లాల‌ని, దాంతో పాటు అప్ప‌టిదాకా ఆ వ్య‌క్తి మీద పెట్టిన ఖ‌ర్చును కూడా భ‌రించాల‌ని, తిరిగి చెల్లించాల‌ని అగ్రిమెంట్ చేసుకున్నారు. ఇదే విష‌యాన్ని ప్ర‌తి నిర్మాణ సంస్థ పాటిస్తే బావుంటుంద‌ని ప‌లువురు అభిప్రాయ‌ప‌డుతున్నారు. బిగ్ ఫ్రొడ‌క్ష‌న్ హౌస్‌ల‌న్నీ ఈగోల‌ను ప‌క్క‌న‌పెట్టి రాజ్ పాటించిన ప‌ద్ధ‌తుల‌ను పాటిస్తాయా? వేచి చూడాల్సిందే.