ఇప్పుడు తెలుగు చిత్ర ప‌రిశ్ర‌మ‌లో మ‌లయాళీ హీరోయిన్స్ హ‌వా ఎక్కువైంది. ముందు నుండి మ‌ల‌యాళీ హీరోయిన్స్ త‌మ‌దైన రీతిలో రాణిస్తూ అవ‌కాశాలు సాధిస్తూనే ఉన్నారు. అయితే ఇప్పుడు వీరి ప్ర‌భావం మ‌రీ ఎక్కువైంది.

తాజాగా మ‌రో మ‌ల‌యాళీ భామ తెలుగు చిత్ర‌సీమ‌లోకి ప్ర‌వేశిస్తుంది. ఐశ్వ‌ర్య ల‌క్ష్మి..అనే మోడ‌ల్‌, మెడికో సినీ రంగం వైపు త‌న అదృష్టాన్ని ప‌రీక్షించుకోవ‌డానికి అడుగులేస్తుంది. ఎంబిబిఎస్ పూర్తి చేసిన ఐశ్వ‌ర్య ల‌క్ష్మి ముందుగా మ‌ల‌యాళ హీరో న‌వీన్ పాలీ స‌ర‌స‌న న‌టిస్తుంది. మ‌ల‌యాళంతో పాటు తెలుగులో క‌ల్యాణ్ రామ్ హీరోగా జయేంద్ర ద‌ర్శ‌క‌త్వంలో రూపొంద‌నున్న సినిమాలో న‌టించ‌డానికి గ్రీన్ సిగ్న‌ల్ ఇచ్చింద‌ని విశ్వ‌స‌నీయ వ‌ర్గాల స‌మాచారం. ఈస్ట్ కోస్ట్ ప్రొడ‌క్ష‌న్స్‌, కూల్ బ్రీజ్ సినిమాస్ బేన‌ర్స్ సంయుక్తంగా ఈ సినిమాను నిర్మిస్తున్నాయి. సిద్ధార్థ్‌తో `180` సినిమా త‌ర్వాత జ‌యేంద్ర డైరెక్ట్ చేస్తున్న మ‌రో సినిమా ఇది.