త‌దుప‌రి ఎన్నిక‌ల‌కు స‌మ‌యం ఉండ‌టంతో జ‌న‌సేనాని ప‌వ‌న్‌క‌ల్యాణ్ సైలెంట్‌గా సినిమాల్లోకి రీ ఎంట్రీ ఇవ్వ‌డ‌మే కాకుండా శ‌ర‌వేగంగా సినిమాల‌ను పూర్తి చేసే ప‌నిలో ప‌డ్డాడు. ఇప్ప‌టికే వ‌కీల్ సాబ్ సినిమా 80 శాతం పూర్త‌య్యింది. క్రిష్ ద‌ర్శ‌క‌త్వంలో సినిమా మొద‌లైంది. ఈ సినిమా రెండు సినిమాలు లైన్‌లో ఉండ‌గానే మ‌రిన్ని ప్రాజెక్టుల‌ను ప‌వ‌న్ లైన్‌లో పెడుతున్నార‌ట‌. అందులో భాగంగా ప‌వ‌న్ త‌న 28వ సినిమాను డైరెక్ట‌ర్ హరీశ్ శంక‌ర్ ద‌ర్శ‌క‌త్వంలో చేయ‌బోతున్నారు. గ‌బ్బ‌ర్ సింగ్ 8 ఏళ్లు పూర్త‌యిన సంద‌ర్భంగా డైరెక్ట‌ర్ హ‌రీశ్ శంక‌ర్ ఈ విష‌యాన్ని తెలిపారు. త‌మ కాంబినేష‌న్‌లో ఓ సినిమా రానున్న‌ట్లు తెలిపారు.

ఇప్పటికే హ‌రీశ్ శంక‌ర్ ప‌వన్ స్క్రిప్ట్‌ను పూర్తి చేసే ప‌నిలో ఉన్నాడు. క‌రోనా ప్ర‌భావం త‌గ్గ‌గానే ప‌వ‌న్, హ‌రీశ్ సినిమాకు సంబంధించిన ప‌నులు ప్రారంభ‌మ‌వుతాయి. మైత్రీ మూవీ మేక‌ర్స్ బ్యాన‌ర్‌లో వీరి సినిమా రానుంద‌ని టాక్‌. తాజాగా సోష‌ల్ మీడియాలో ఈ సినిమాలో హీరోయిన్‌గా మ‌ల‌యాళీ ముద్దుగుమ్మ మాన‌స రాధాకృష్ణ‌న్‌ను ఎంపిక చేసిన‌ట్లు వార్త‌లు విన‌ప‌డుతున్నాయి. ఈ అమ్మ‌డు ఇప్ప‌టి వ‌ర‌కు మ‌ల‌యాళ సినిమా రంగానికే ప‌రిమితం అయ్యారు. మ‌రి తొలి సినిమాకే ప‌వ‌న్‌తో న‌టించే అవ‌కాశం అంటే.. ల‌క్కీ అనే చెప్పాలి. మ‌రి నిజంగానే ప‌వ‌న్ స‌ర‌స‌న ఈ అమ్మ‌డుకి అవ‌కాశం వ‌చ్చిందో రాదో.. ఇందులో నిజా నిజాలేంటో తెలియాంటే మ‌రికొన్ని రోజులు ఆగాల్సిందే.