కెరీర్ ప్రారంభం నుండి డిఫ‌రెంట్ సినిమాల‌తో పాటు గ్లామ‌ర్ సినిమాల‌కు ఓకే చెబుతూ వ‌చ్చిన హీరోయిన్ అమ‌లాపాల్‌. మ‌ధ్య‌లో డైరెక్ట‌ర్ విజ‌య్‌ను పెళ్లి చేసుకోవ‌డం, విడిపోవ‌డం అన్నీ జ‌రిగాయి. మ‌ళ్లీ ఇప్పుడు సినిమాల్లో వ‌రుస అవ‌కాశాలనైతే ద‌క్కించుకుంటుంది అమ‌లాపాల్. ప్రారంభంలో ‘నాయ‌క్‌, ఇద్ద‌ర‌మ్మాయిల‌తో..’ వంటి తెలుగు చిత్రాల్లో న‌టించిన ఈ మ‌ల‌యాళీ ముద్దుగుమ్మ రీ ఎంట్రీ త‌ర్వాత తెలుగులో న‌టించ‌నుందంటూ వార్త‌లు విన‌ప‌డుతున్నాయి.

సోష‌ల్ మీడియాలో చ‌క్క‌ర్లు కొడుతున్న స‌మాచారం మేర‌కు నందమూరి బాల‌కృష్ణ 106వ చిత్రంలో అమ‌లాపాల్ న‌టించ‌నుంద‌ట‌. ఈ సినిమాలో ఇద్దురు హీరోయిన్స్ ఉంటారు. అందులో ఒక‌రు కొత్త హీరో్యిన్ కాగా.. మ‌రో హీరోయిన్ గురించి యూనిట్ చాలానే అన్వేష‌ణ చేసింది. బాలయ్య హీరోయిన్ అంటూ చాలా పేర్లే వినిపించాయి. ఇప్పుడు ఈ లిస్టులో అమలాపాల్ పేరు చేరింది. మరి ఈ వార్తలపై చిత్రయూనిట్ ఎలా స్పందిస్తుందో చూడాలి. సింహా, లెజెండ్ చిత్రాల తర్వాత బాల‌కృష్ణ‌, బోయ‌పాటి శ్రీను కాంబినేష‌న్‌లో వ‌స్తున్న హ్యాట్రిక్ మూవీ ఇది. ద్వారకా క్రియేష‌న్స్ బ్యాన‌ర్‌పై మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నారు. ఇప్ప‌టికే ఓ షెడ్యూల్ చిత్రీక‌ర‌ణ పూర్త‌య్యింది. క‌రోనా ప‌రిస్థితులు చ‌క్క‌బ‌డ్డ త‌ర్వాత త‌దుప‌రి షెడ్యూల్ ప్రారంభం అవుతుంది.