பட வாய்ப்புக்காக பகீர் நிபந்தனை: இளம் நடிகையின் அதிர்ச்சி தகவல்
- IndiaGlitz, [Saturday,August 12 2017]
திரையுலகில் பட வாய்ப்புக்காக படுக்கையை பகிர்ந்து கொள்ள நடிகைகள் கட்டாயப்படுத்துவதாக குற்றச்சாட்டு பல ஆண்டுகளாக உள்ளது. இதன் காரணமாகவே நடிகைகளின் பாதுகாப்புக்கு சேவ் சக்தி என்ற அமைப்பை நடிகை வரலட்சுமி ஆரம்பித்துள்ளார்.
இந்த நிலையில் இளம் மலையாள நடிகை ஹிமா சங்கர் சமீபத்தில் கலந்து கொண்ட ஒரு நிகழ்ச்சியில் பேசியபோது, தான் நடிப்பு கல்லூரியில் பயின்றபோது பிரபல மலையாள திரையுலகினர் தன்னை அணுகி படுக்கையை பகிர்ந்து கொள்ள சம்மதித்தால் பட வாய்ப்பு தருவதாக கூறியதாகவும், அப்படிப்பட்ட வாய்ப்பு தனக்கு தேவையில்லை என்று கூறி மறுத்துவிட்டதாகவும் கூறினார்.
சமீபத்தில் பிரபல நடிகை கடத்தப்பட்டு பாலியல் தொந்தரவுக்கு ஆளான சம்பவத்தின் அதிர்ச்சியில் இருந்தே இன்னும் மீளாத மலையாள திரையுலகிற்கு ஹிமா சங்கரின் இந்த பேச்சு மேலும் அதிர்ச்சியை அதிகரித்துள்ளது. சமீபத்தில் மலையாள நடிகர் சங்க தலைவர் இன்னாசெண்ட் 'நடிகைகளை படுக்கைக்கு அழைத்து யாரும் கட்டாயப்படுத்துவது இல்லை என்றும் சில நடிகைகள் தான் பட வாய்ப்புக்காக விருப்பப்பட்டு அப்படி நடந்துகொள்வதாகவும் கூறியிருந்தார். ஹிமாசங்கரின் இந்த குற்றச்சாட்டுக்கு அவர் என்ன பதில் அளிக்கின்றார் என்பதை பொறுத்திருந்து பார்ப்போம்.