త‌మిళ స్టార్ హీరో విజ‌య్‌ను ఉద్దేశించి మ‌ల‌యాళ న‌టుడు సిద్ధిఖీ చేసిన వ్యాఖ్య‌లు సంచ‌ల‌నం క్రియేట్ చేస్తున్నాయి. రీసెంట్‌గా సిద్ధిఖీ ఓ మ‌ల‌యాళ మీడియాతో మాట్లాడుతూ ``మోహ‌న్‌లాల్‌, మమ్ముట్టి వంటి వారు గొప్ప న‌టులే కాదు.. సూప‌ర్‌స్టార్స్ కూడా అని అన్నారు. అలాంటి వారి వ‌ల్ల చాలా మంది క్యారెక్ట‌ర్స్ ఆర్టిస్టులు కూడా బ్ర‌తుకుతుంటారు. త‌మిళ ఇండ‌స్ట్రీలో చూస్తే విజ‌య్ సూప‌ర్‌స్టారే కానీ.. గొప్ప న‌టుడు మాత్రం కాదు అని అన్నారు.

ఆయ‌న్ని సూప‌ర్ స్టార్ ఇమేజే న‌డిపిస్తుంది. నా వ‌ర‌కు క‌మ‌ల్ హాస‌న్ సూప‌ర్‌స్టారే కాదు.. గొప్ప న‌టుడు కూడా`` అన్నారు. సిద్ధిఖీ వ్యాఖ్య‌ల‌పై విజ‌య్ అభిమానులు సోష‌ల్ మీడియాలో ఘాటుగా స్పందిస్తున్నారు. విజ‌య్ గొప్ప న‌టుడ‌ని, కావాల‌నే విజ‌య్‌ని టార్గెట్ చేస్తున్నారంటూ అభిమానులు సిద్ధిఖీపై మండిప‌డుతున్నారు.