மலையாள சேனல்களில் செய்தியாகிய விஜய் நிவாரண நிதி
- IndiaGlitz, [Friday,August 24 2018]
கேரளா முழுவதும் சமீபத்தில் பெய்த கனமழையால் கடுமையாக பாதிக்கப்பட்டுள்ள நிலையில் பேரிடரில் சிக்கியுள்ள அம்மாநில மக்களுக்கு தமிழ் திரையுலகினர் செய்து வரும் உதவிகள் பெரும் ஆறுதலாக உள்ளது. கமல், ரஜினி உள்பட பல முன்னணி நடிகர், நடிகைகள் லட்சக்கணக்கில் நிதியுதவி செய்துள்ளனர்.
இந்த நிலையில் தளபதி விஜய் வித்தியாசமாக கேரள மக்களுக்கு தனது உதவியை செய்துள்ளார். கேரளாவில் உள்ள 14 மாவட்டங்களில் உள்ள விஜய் ரசிகர் மன்ற நிர்வாகிகளின் வங்கிக்கணக்கில் தலா ரூ.3 லட்சம் என மொத்தம் ரூ.70 லட்சம் அனுப்பி, அந்தந்த பகுதிகளில் பாதிக்கப்பட்ட மக்களுக்கு தேவையான உதவிகளை செய்யும்படி அறிவுறுத்தினார். அதுமட்டுமின்றி தமிழகத்தின் பல்வேறு பகுதிகளில் இருந்து விஜய் ரசிகர்கள் லாரிகளில் அத்தியாவசிய பொருட்களை கொண்டு சென்று கேரள மக்களுக்கு விநியோகம் செய்து வருகின்றனர்.
இந்த நிலையில் மலையாள தொலைக்காட்சி சேனல்கள் விஜய் மற்றும் விஜய் ரசிகர்களின் இந்த உதவி குறித்து சிறப்பு செய்திகளை வெளியிட்டு வருகின்றனர் என்பது குறிப்பிடத்தக்கது. கேரள வெள்ளம்: விஜய் ரசிகர்களின் பெருமைக்குரிய பணி
. #MediaOne Malayalam News Channel About Lorries Which #Thalapathy @actorvijay Send As Helping To Kerala. #Keralafloods #KeralaFloodRelief ❤???? @RIAZtheboss @BussyAnand @Jagadishbliss @KeralaVijayFC pic.twitter.com/Tw231ePFeD
— V4U Media (@v4umedia1) August 23, 2018