சூப்பர் ஸ்டார் ரஜினிகாந்த் நடித்த ‘ஜெயிலர்’ திரைப்படம் வரும் பத்தாம் தேதி உலகம் முழுவதும் பிரம்மாண்டமாக வெளியாக உள்ளது என்பதும் இந்த படத்தின் முதல் நாள் காட்சியின் முன்பதிவுகள் ஒரு சில நிமிடங்களில் விற்று தீர்ந்து விட்டது என்பதையும் பார்த்தோம்.

இந்த நிலையில் ரஜினியின் ‘ஜெயிலர்’ திரைப்படம் வெளியாகும் அதே ஆகஸ்ட் 10ஆம் தேதி மலையாளத்தில் ‘ஜெயிலர்’ என்ற ஒரு திரைப்படம் வெளியாக இருந்தது. இரண்டு படங்கள் ஒரே நாளில் ஒரே டைட்டிலில் வெளியாவதால் குழப்பம் ஏற்படும் என்று சொல்லப்பட்ட நிலையில் தற்போது கேரளாவில் உள்ள பெரும்பாலான திரையரங்குகளில் ரஜினியின் ‘ஜெயிலர்’ திரைப்படத்தை வெளியிட புக் செய்யப்பட்டுள்ளது.

இதனை அடுத்து மலையாள ‘ஜெயிலர்’ திரைப்படத்தின் ரிலீஸ் தேதி மாற்றப்பட்டுள்ளது. ரஜினியின் ‘ஜெயிலர்’ படத்துடன் மோத விரும்பாத மலையாள ‘ஜெயிலர்’ படக்குழுவினர் ஒரு வாரம் கழித்து அதாவது ஆகஸ்ட் 18ஆம் தேதி ரிலீஸ் செய்ய முடிவு செய்துள்ளனர்.

இதனால் கேரளாவில் மலையாள ‘ஜெயிலர்’ திரைப்படம் ரஜினியின் ‘ஜெயிலர்’ திரைப்படத்துடன் ரிலீஸ் ஆகவில்லை என்பது உறுதி செய்யப்பட்டுள்ளது.