தளபதி விஜய் நடிப்பில் லோகேஷ் கனகராஜ் இயக்கிவரும் ’தளபதி 64’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் டைட்டில் வரும் 31ம் தேதி மாலை 5 மணிக்கு வெளியாகும் என்று அதிகாரப்பூர்வமாக அறிவிக்கப்பட்டுள்ளது.

இந்த நிலையில் இந்த படத்தின் படப்பிடிப்பு தற்போது ஷிமோகாவில் நடைபெற்று வரும் நிலையில் இந்த படப்பிடிப்பில் விஜய், விஜய் சேதுபதி, மாளவிகா மோகனன் உள்பட பலர் கலந்து கொண்டு, அவரவர்களின் பகுதி படப்பிடிப்பை முடித்துவிட்டு கிளம்பி வருகின்றனர்.

விஜய் தனது பகுதியின் படப்பிடிப்பை முடித்துக் கொடுத்துவிட்டு கிறிஸ்துமஸ் மற்றும் புத்தாண்டு பண்டிகையை கொண்டாட லண்டன் சென்றுள்ளது போல் மாளவிகா மோகனும் தனது காட்சிகளின் படப்பிடிப்பை முடித்துவிட்டு வெளிநாட்டிற்கு சுற்றுப் பயணம் செய்துள்ளதாக தகவல்கள் வெளிவந்துள்ளது.

இந்த நிலையில் இந்த படத்தில் விஜய் மற்றும் விஜய் சேதுபதி மோதும் காட்சிகள் மட்டுமின்றி விஜய் சேதுபதி மற்றும் மாளவிகா மோகனன் மோதும் காட்சிகள் இருப்பதாகவும், இந்த காட்சிகள் சமீபத்தில் படமாக்கப்பட்டதாகவும் தகவல்கள் வெளிவந்துள்ளன. விஜய் சேதுபதி மற்றும் மாளவிகா மோகனன் மோதும் காட்சிகள் இந்த படத்தில் இருப்பது புதிய தகவலாக கருதப்படுகிறது.