தளபதி விஜய் நடிக்கவுள்ள ‘தளபதி 64’ படத்தின் அப்டேட்டுக்களை விஜய் ரசிகர்கள் கேட்காமலேயே அந்த படத்தின் குழுவினர் திகட்ட திகட்ட தினமும் அளித்து வருகின்றனர். இந்த நிலையில் இன்று மதியம் இந்த படத்தில் சாந்தனு இணைந்ததை உறுதி செய்த படக்குழுவினர் தற்போது ‘தளபதி 64’ படத்தின் நாயகியையும் உறுதி செய்துள்ளனர்.

ஏற்கனவே கசிந்த செய்தியின்படி மாளவிகா மேனன் தான் இந்த படத்தின் நாயகி என தற்போது அதிகாரபூர்வமாக அறிவிக்கப்பட்டுள்ளது. இவர் ஏற்கனவே சூப்பர் ஸ்டார் ரஜினிகாந்த் நடித்த ‘பேட்ட’ திரைப்படத்தில் சசிகுமாருக்கு ஜோடியாக பூங்கொடி என்ற கேரக்டரில் நடித்திருந்தார் என்பது குறிப்பிடத்தக்கது.

இதனையடுத்து விஜய், விஜய்சேதுபதி, அந்தோணி வர்கீஸ், சாந்தனு மற்றும் மாளவிகா மேனன் ஆகியோர் இந்த படத்தில் நடிப்பது உறுதி செய்யப்பட்டுள்ளது. மேலும் அனிருத் இசையமைக்கவுள்ள இந்த படத்தின் அடுத்த அப்டேட் என்ன? என்பதை பொறுத்திருந்து பார்ப்போம்.