ஷங்கரின் அடுத்த படத்தில் 'மாஸ்டர்' மாளவிகா மோகனன்?
- IndiaGlitz, [Wednesday,June 09 2021]
கமல்ஹாசன் நடித்து வரும் ’இந்தியன் 2’ என்ற திரைப்படத்தை இயக்கி வந்த இயக்குனர் ஷங்கர் திடீரென அந்த படத்தில் ஏற்பட்ட பிரச்சினை காரணமாக அந்த படத்தை நிறுத்திவிட்டு, தற்போது பிரபல தெலுங்கு நடிகர் ராம்சரண் தேஜா நடிக்க இருக்கும் படம் ஒன்றை இயக்க முடிவு செய்துள்ளார். இதற்கான ஆரம்பகட்ட பணிகள் தற்போது நடைபெற்று வருகின்றது
இந்த படத்தில் நடிக்கும் நடிகர் நடிகைகளின் தேர்வு நடைபெற்று வருவதாக கூறப்படும் நிலையில் தற்போது வந்த தகவலின்படி ராம்சரண் தேஜா ஜோடியாக ’மாஸ்டர்’ படத்தில் நாயகியாக நடித்த மாளவிகா மோகனன் நடிக்க இருப்பதாக கூறப்படுகிறது. இது குறித்த முதல்கட்ட பேச்சுவார்த்தை நடைபெற்று வருவதாகவும் விரைவில் இந்த தகவல் உறுதி செய்யப்படும் என்றும் கூறப்படுகிறது
மாளவிகா மோகனன் இந்த படத்தில் நடிப்பது உறுதி செய்யப்பட்டால் இதுதான் அவருக்கு முதல் தெலுங்கு படம் என்பது குறிப்பிடத்தக்கது. ஏற்கனவே மாஸ்டர் படத்தை அடுத்து தனுஷின் 43வது படத்திலும் மாளவிகா மோகன் நடித்து வருகிறார் என்பதும் அது மட்டுமின்றி பாலிவுட் திரைப்படம் ஒன்றில் நடித்து வருகிறார் என்பதும் குறிப்பிடத்தக்கது