விஜய்சேதுபதியை அடுத்து உதயநிதிக்கு பிரபல இயக்குனர் கொடுத்த பட்டம்
- IndiaGlitz, [Wednesday,March 28 2018]
நடிகர் விஜய்சேதுபதி பிரபல இயக்குனர் சீனுராமசாமி இயக்கத்தில் உருவான 'தர்மதுரை' படத்தில் நடித்தபோது அவருக்கு 'மக்கள் செல்வன்' என்ற பட்டத்தை கொடுத்தார். இந்த பட்டம் தற்போது விஜய்சேதுபதிக்கு நிரந்தரமாகிவிட்டது. அவருடைய ரசிகர்களும் ஊடகங்களும் விஜய்சேதுபதியை மக்கள் செல்வன் என்றே அழைத்து வருகின்றனர்.
இந்த நிலையில் தற்போது உதயநிதி ஸ்டாலின், தமன்னா நடிப்பில் 'கண்ணே கலைமானே' என்ற படத்தை சீனுராமசாமி இயக்கி முடித்துள்ளார். இந்த படம் கோலிவுட் திரையுலகின் ஸ்டிரைக் முடிந்தவுடன் வெளியாகும் என்று எதிர்பார்க்கப்படுகிறது.
இந்த நிலையில் சமீபத்தில் 'கண்ணே கலைமானே' படத்தை முழுவதுமாக பார்த்த சீனுராமசாமி தனது டுவிட்டரில் 'கண்ணே கலைமானே படம் முழுவதும் பார்த்து முடித்த கணத்தில் என் மனதில் உதயநிதி ஸ்டாலினை மக்கள் அன்பன் என்றே அழைக்கத் தோன்றியது' என்று கூறியுள்ளார். எனவே விஜய்சேதுபதிக்கு 'மக்கள் செல்வன்' பட்டம் நிலைத்தது போல் உதயநிதிக்கு 'மக்கள் அன்பன்' என்ற பெயர் நிலைக்கும் என்று எதிர்பார்க்கப்படுகிறது. அதிலும் உதயநிதி தற்போது அரசியலிலும் ஆர்வம் காட்டி வரும் நிலையில் இந்த பட்டம் அவருக்கு பொருத்தமாக இருக்கும் என்று அவரது ரசிகர்கள் கூறி வருகின்றனர்.
கண்ணே கலைமானே படம் முழுவதும் பார்த்து முடித்த கணத்தில் என் மனதில் உதயநிதி ஸ்டாலினை மக்கள் அன்பன் என்றே அழைக்கத்தோன்றியது. pic.twitter.com/q04XeB0nAg
— Seenu Ramasamy (@seenuramasamy) March 28, 2018