விக்ரம், அக்சராஹாசன் நடிப்பில் ராஜேஷ் எம்.செல்வா இயக்கத்தில் உருவாகி வரும் 'கடாரம் கொண்டான்' படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் இந்த படத்தின் படப்பிடிப்பு கிட்டத்தட்ட முடிந்துவிட்டதாக படக்குழுவினர் தெரிவித்துள்ளனர்.

இந்த படத்தின் ஒரே ஒரு பாடல் மற்றும் ஒருசில பேட்ச் பணிகள் மட்டுமே மீதமிருப்பதாகவும் அதன்பின் போஸ்ட் புரடொக்சன்ஸ் பணிகள் தொடங்கவிருப்பதாகவும் படக்குழுவினர் தரப்பில் இருந்து தகவல்கள் வெளிவந்துள்ளது. இதனையடுத்து நேற்றிரவு நடந்த சிறப்பு விருந்தில் விக்ரம், நாசர் உள்பட படக்குழுவினர் அனைவரும் கலந்து கொண்டனர்.

விக்ரம், அக்சராஹாசன், நாசர் மகன் அபி மெஹ்தி ஹாசன், '8 தோட்டாக்கள்' பட நாயகி மீராமிதுன் உள்பட பலர் நடித்து வரும் இந்த படத்திற்கு ஜிப்ரான் இசையமைத்து வருகிறார். கமல்ஹாசனின் ராஜ்கமல் பிலிம்ஸ் இண்டர்நேஷனல் இந்த படத்தை தயாரித்துள்ளது. இந்த படத்தின் டீசர் பொங்கல் தினத்தில் அதாவது ஜனவரி 15ஆம் தேதி வெளியாகவுள்ளது என்பது குறிப்பிடத்தக்கது.