మ‌జ్ను 'టీజ‌ర్ రిలీజ్ అవుతుంది
- IndiaGlitz, [Thursday,August 11 2016]
భ‌లే భ‌లే మ‌గాడివోయ్‌, జెంటిల్ మ‌న్ వంటి వ‌రుస స‌క్సెస్‌లు సాధించిన నేచుర‌ల్ స్టార్ నాని ఇప్పుడు ఉయ్యాలా జంపాలా ఫేమ్ విరించి వ‌ర్మ‌ద‌ర్శ‌క‌త్వంలో చేస్తున్న మ‌జ్ను శ‌ర‌వేగంగా చిత్రీకర‌ణ‌ను జ‌రుపుకుంటుంది. ఆనంది ఆర్ట్ క్రియేష‌న్స్‌, కేవా మూవీస్ బ్యాన‌ర్స్ నిర్మిస్తున్న ఈ చిత్రానికి జ్ఞాన‌శేఖ‌ర్ సినిమాటోగ్ర‌ఫీ అందిస్తుండ‌గా, గోపీసుంద‌ర్ మ్యూజిక్ అందిస్తున్నాడు.
స్టాప్ డ్రింకింగ్‌, స్టార్ట్ ల‌వ్ అనే లైన్స్‌తో రీసెంట్‌గా రిలీజైన ఈ సినిమా పోస్ట‌ర్‌కు చాలా మంచి రెస్పాన్స్ వ‌చ్చింది. ఈ చిత్రాన్ని సెప్టెంబ‌ర్ 17న విడుద‌ల చేయ‌డానికి ప్లాన్ చేస్తున్నారు. ఈలోపు సినిమా ప్ర‌మోష‌న్స్ లో భాగంగా రేపు మ‌ధ్యాహ్నం 12.30 నిమిషాల‌కు టీజ‌ర్ విడుద‌ల చేస్తున్నార‌ట. అలాగే బాబు బంగారం ప్ర‌ద‌ర్శించే థియేట‌ర్స్ లో ఈ టీజ‌ర్‌ను ప్ర‌ద‌ర్శిస్తార‌ని హీరో నాని ట్విట్ట‌ర్ ద్వారా తెలియ‌జేశాడు.