హరితహారం లో పాల్గొన్న మజ్ను చిత్ర బృందం
- IndiaGlitz, [Sunday,July 24 2016]
పర్యావరణాన్ని కాపాడాలనే ఉద్దేశంతో తెలంగాణా ప్రభుత్వం చేపట్టిన హరితహారం కార్యక్రమం లో మజ్ను చిత్ర బృందం పాల్గొన్నారు. ఈ కార్యక్రమం కోసం సేకరించిన వివిధ రకాల మొక్కలను చిత్ర బృందం ఈ రోజు నాటటం జరిగింది.
ఈ సందర్భం గా హీరో నాని మాట్లాడుతూ... హరితహారం అనేది చాలా మంచి ఆలోచ‌న. పర్యావరణాన్ని కాపాడాలని అందరూ అంటారు కానీ ఎవ్వరు పెద్దగా ఏమీ చేయరు. అందుకు భిన్నంగా ముఖ్య‌మంత్రి కె.సి.ఆర్ గారు ప్ర‌జ‌ల్లో చైత‌న్యం క‌లిగించేలా ఈ కార్యక్రమానికి పిలుపునివ్వడం నిజంగా చాలా మంచి విషయం. అందుకే తెలుగు చిత్ర పరిశ్రమ ఈ కార్యక్రమంలో ఉత్సాహం గా పాల్గొంటోంది. ఎవరి ఇళ్లల్లో వాళ్ళు మొక్క‌లు నాటటం కాకుండా, మా మజ్ను చిత్ర బృందం మొత్తం కలిసి ఈ కార్యక్రమం లో పాల్గొనాలని నిర్ణయించుకుని ఇలా చేసాం. ఎవరికి తోచిన విధంగా వారు, ఒక చిన్న చోటు ఉన్నా కూడా ఒక మొక్కను పెంచితే, ఖచ్చితం గా మంచి మార్పు ఉంటుంది అని అనుకుంటున్నాను అన్నారు.